38 سالن ل سه‌ر جادێ وێنان چێدكه‌ت
هه‌ولێر، سولین سلێمان:
ئازاد ته‌نیا، وێنه‌كێشه‌كێ به‌رنیاسێ پارێزگه‌ها هه‌ولێرێ یه، ل سالا 1984 هه‌تا نوكه ل سه‌ر جاره‌كا نێزیك كه‌لا هه‌ولێرێ وێنا بۆ خه‌لكی چێدكه‌ت و ب گۆتنا وی خێزانا خوه ب داهاتێ كارێ خوه ب خودان دكه‌ت.
ئازاد د دیداره‌كێ دا بۆ رۆژناما ئه‌ڤرۆ دبێژیت: رۆژانه هه‌شت هه‌تا ده‌ه ده‌مژمێران ئه‌ز لڤی جهی كاردكه‌م و هه‌ر وێنه‌كی ئه‌ز د پازده خوله‌كان دا بۆ خه‌لكی چێدكه‌م، هه‌روه‌سا من چه‌ند پرتووكه‌ك بۆ وان كه‌سان چێكرینه ئه‌وێن حه‌زا فێربوونا وێنه‌كێشانێ هه‌ین، بۆ زانین ئه‌ز ب شێوازه‌كێ ئه‌كادیمی فێری ڤی هونه‌ری نه‌بوویمه، به‌س ئه‌زموونا منا درێژ شاره‌زای بۆ من په‌یداكریه و ژبلی وێنه‌كێشانێ ئه‌ز سازێ ژی دژه‌نم.
