38 سالیادا قڕكرنا بارزانیان و كڕاسێ ده‌وله‌تبوونێ
زه‌نوون سلێڤانه‌ی ـ زاخۆ
37 سالیادا جینۆساید و قركرنا بارزانیان ده‌رزباربین ئه‌ڤ ره‌نگه مه‌رگه‌ساتا پڕی گری و شینیێ و جه‌رگ هه‌ژین ل ده‌سپێكا ره‌گه‌ز په‌رستیا رژێما دیكتاتۆر و به‌عسیێن روخاندیێ و گۆر به‌گور بوو ل دژی خه‌لكێ سڤیل و بێگونه‌هـ و گه‌لێ كوردستانێ پێشتر ل ده‌سپێكرنا هه‌وا ئه‌نفالكرنا ناڤچه‌یێن گه‌رمیان و دۆلا بالیسان و كێمیا بارانا باژێرێ هه‌له‌بچه و ئه‌نفالكرنا ناڤچه‌یێن به‌هدینان كه‌فتیه ل به‌ر ڤێ شه‌پۆلا هه‌وا ئه‌نفالا هه‌تا داویا رۆژا 25/8/1988، هه‌لبه‌ت ئه‌ڤ ره‌نگه مه‌رگه‌ساتێن نه‌خۆش و پڕی جه‌رگ هه‌ژین، ئه‌و ژی ڤه‌دگه‌ریت جینۆساید و قڕكرنا بارزانیان و ده‌ڤه‌را بارزان بوو ل رۆژا 31/7/1984 پتریا زریپۆشێن له‌شكری ب چه‌ك و ته‌قه‌مه‌نیێن بخوه‌ڤه ب سه‌ده‌هان سه‌رباز و پاسه‌وانێن كۆماری جاش و دویڤه‌لانكێن ڤێ رژێما عه‌فله‌قیا پیس و چه‌په‌ل ب سه‌رپه‌رشتیا برا، ماكێ دیكتاتۆرێ ئیراقێ به‌ره‌زان تكریتی ژبۆ قركرنا خه‌لكێ ڤێ ده‌ڤه‌رێ ب گشتی و گه‌لێ كورد پێخه‌مه‌ت حه‌لاندنا بزاڤا ئازدایخوازا كوردی و نه‌هێلا ناسناڤێ مرۆڤێ كورد پێشێلكرنا مافێن ره‌وایێن گه‌لێ مه. بێگومان ده‌ڤه‌را ب درێژاهیا مێژوویێ ب سه‌د سالیا بۆری ڤه ب ده‌هان جاران دوجاركی یێ هاتیه كاڤلكرن و شه‌وتاندن و كۆمكوژیێ هاتیه یا داویێ ژی هه‌لمه‌تا جینۆساید و قڕكرنا هه‌شت هزار بارزانیان بوو، لێ ئه‌ڤ هه‌موو سته‌م نه‌كارێ گیانێ خۆراگریێ و به‌رگریێ و تێكۆشینێ ل ڤێ ده‌ڤه‌رێ كب بكه‌ت و جاره‌كا دی شۆره‌ش و خه‌بات و قوربانیا گه‌لێ مه تیكۆشینا دلسۆز و وه‌فادار و پره‌نسیپێن راسته‌قینه‌یێن رێبازا پارتی و بارزانیێ نه‌مر گشت گه‌لێ كوردستانێ و پێشمه‌رگه‌یێ قه‌هره‌مان و ده‌ستكه‌فت و ئه‌زموونا هه‌رێما كوردستانێ پێكهاتن و گه‌لێ مه ما و ئه‌نفالچی ژ ناڤچوون، ل ڤێرێ یاخوه‌یایه گه‌لێ كورد ب درێژاهیا مێژوویێ یاڤان ره‌نگه مه‌رگه‌ساتێن ب سه‌ر داهاتیێ خۆراگر و كه‌س و كارێن قوربانیێن ڤان ره‌نگه مه‌رگه‌ساتێن پری گری و قێژی و گازی سه‌ربلنده‌ێن خیزانێن شه‌هیدان ژ هه‌ژی و هێژایێ هه‌موو خزمه‌ت و ئاڤ و ئاڤه‌دانكرنێ نه حوكمه‌تا هه‌رێما كوردستانێ هه‌یا نها ژی به‌رده‌وام هه‌ول و بزاڤا دكه‌ن ب خالا سه‌ره‌كیا دانوستاندنێ و هه‌ما هه‌نگی دگه‌ل حوكمه‌تا ناڤه‌ندی ل به‌غدا ژبۆ چاره‌سه‌ركرنا پرسگرێكێن مافێ و خواست و ئارمانجێن گه‌لێ كورد و قه‌ره‌بوولكرنه‌كا به‌رده‌وام بۆ زیانڤێكه‌ڤتیێن مه‌رگه‌ساتێن ئه‌نفال و عه‌ره‌بكرنێ د بزاڤێن خوه‌دا به‌رده‌وام بوویه ل گه‌ل وه‌زاره‌تا شه‌هید و ئه‌نفالكریان هه‌رده‌م پێداگر دبن ل سه‌ر قه‌ره‌بوولكرنا مادی و مه‌عنه‌وی یاقوربانیێن هه‌لمه‌تێن جینۆسایدكرنا بارزانیان و ئه‌نفالكرنا گه‌لێ كوردستانێ ـ به‌لێ ژبۆ 38 سالیادا جینۆساید و قركرنا بارزانیان و كراسێ ده‌وله‌تبوونێ ئه‌م ب هه‌ڤره به‌ژنا خوه دچه‌مینین ژبۆ وان 183 هزار بێ گونه‌هێن بووینه قوربانیێن كریارێن پیس و چه‌په‌ل یارژێما به‌عسیێن فاشت دژێ گه‌لێ كورد هه‌موو شه‌هید و قوربانیێن ڤان ره‌نگه مه‌رگه‌ساتان ل پێش و پاش بیرئانینا وان د مه‌ژیێ و هه‌ست و ده‌روونێ هه‌ر كورده‌كێ وه‌لاتپارێز و نشتیمانپه‌روه‌ر زیندی دبیته ڤه كو چ جاران ئه‌ڤ ره‌نگه مه‌رگه‌ساتێن هه‌نێ باندۆرا خوه‌یا نه‌رینی ناكه‌ت ل سه‌ر ئیراده و خۆراگریا گه‌لێ كورد هه‌ول و بزاڤێن به‌رده‌وام ژبۆ بده‌ستڤه‌ئانینا هه‌موو ده‌ستكه‌فت و مافێن ره‌وایێن پاشه‌رۆژێ شۆره‌ش و به‌رخوه‌دان دێ هه‌موو ده‌ما سه‌ركێشێ ڤی گه‌لی بیت ـ ئه‌ڤ ره‌نگه بیرئانینێن پری جه‌رگ هه‌ژین و رۆژێن ره‌ش چ جاران ئه‌م ب هه‌ڤره تووشی بێ هیڤیبوونێ نه‌كرینه ده‌ستبه‌رداین ماف و چاره‌نڤیسێ خوه نابین ئه‌ڤ یادا پری ب ئێش و نالین بن ئاخكرنا مرۆڤان ب ساخی یاخه‌لكێ ده‌ڤه‌را بارزان ژ ئالیێ رژێما دیكتاتۆر ڤه، ئه‌ڤ بیرهاتنه مه‌زنترین به‌لگه نامه و دیده‌ڤانه كو چ ده‌ما گه‌لێ كورد و كوردستانیان ژی د ڤێ چارچووڤێ ئیراقه‌كا ئێكگرتیدا ژیان ئارام نابیت كێشا مه كوردان به‌روڤاژی یه به‌رده‌وام به‌ره‌ڤ ده‌رده‌سه‌ریێ مه‌زنتر دچیت.
ل ڤێرێ یا گرنگه گشت پارت و ئالیێن سیاسیێ كوردی شه‌رمێ ژ قوربانیێن ڤان ره‌نگه مه‌رگه‌ساتێن مێژوویێ بكه‌ن پیدڤی یه ب گۆتاره‌كا ئێكگرتی ئێك هه‌لویست بن ل به‌غدا هه‌موو ماف و ده‌ستكه‌فتیێن كوردان به‌رقرار بكه‌ن، پاشى بۆ پرۆسا چاكسازیێ ل هه‌رێمێ بسه‌لمینن بۆ قووناغێن دا هاتی دا بۆ سه‌ربخوه‌یا كوردستانێ هه‌ر یاگه‌ش و ئاڤه‌دان بیت.
داویێ یا د ڤی بابه‌تی دا ئه‌م ب هه‌ڤڕا سه‌رێ رێز و ژ قوربانیێ و شه‌هیدێن 38 سالیادا جینۆساید و قركرنا بارزانیان گشت شه‌هیدێن بزاڤا ئازدایخواز را دچه‌مینین سه‌روه‌رێ وان بارزانیێ نه‌مر و ئێدریسێ جوانه مه‌رگ.
