38123 قوتابی پشكداری ئه‌زموونێن دوازدێ ئاماده‌ی بوون
ئه‌ڤرۆ، هه‌رهین محه‌مه‌د:
ئه‌ڤرۆ ل سه‌رانسه‌ری هه‌رێما كوردستانێ ئێكه‌م تاقیكرنا قوناغا دوازدێ ئاماده‌یی هاته ئه‌نجامدان و سیه و هه‌شت هزار و سه‌دو بیست و سێ قوتابیان پشكداری دئه‌زموونان دا كر ب هه‌ردو پشكێن خوه ڤه زانستی و وێژه‌یی و هاتنه دابه‌شكرن ل سه‌ر شه‌ش سه‌د و نوت و شه‌ش بنگه‌هان ل دور ڤی بابه‌تی ژی چاڤدیره‌ك ئاشكه‌رادكه‌ت ئه‌ڤرۆ ل بنگه‌هه‌كی نێزیكی 30 % قوتابی نه‌هاتبوونه دتاقیكرنێ دا.
ئه‌حمه‌د عه‌بدولا زوبێر به‌رپرسێ راگه‌هاندنا رێڤه‌به‌ریا په‌روه‌ردا گشتی ل پارێزگه‌ها دهۆكێ بۆ به‌رپه‌رێ په‌روه‌رده‌و زانكۆ گۆت: ئه‌ڤرۆ ل ده‌مژمێر حه‌فت و نیڤی سپێدێ ل سه‌رانسه‌ری هه‌رێما كوردستانێ تاقیكرنێن قوناغا دوازدێ ئاماده‌یی هاتنه ئه‌نجامدان و ل پارێزگه‌ها دهۆكێ ژی سیه و هه‌شت هزار و سه‌دو بیست و سێ قوتابیان پشكداری دئه‌زموونان دا كر ب هه‌ردو پشكێن خوه ڤه زانستی و وێژه‌یی و هاتبوونه دابه‌شكرن ل سه‌ر شه‌ش سه‌د و نوت و شه‌ش بنگه‌هان و سه‌ره‌دانێن ئه‌ڤرۆ هاتینه كرن ل كارگێریا پارێزگه‌ها دهۆكێ و ل رێڤه‌به‌ریا گشتی یا پارێزگه‌ها دهۆكێ و دووڤ راپورتێن گه‌هشتینه رێڤه‌به‌ریا گشتی یا پارێزگه‌ها دهۆكێ پشتی ب دووماهی هاتن و ئه‌نجامدانا ڤان ئه‌زموونان ب شێوه‌كێ رێك و پێك بوون و بێ ئاریشه و ئه‌ڤ ئه‌زموونه هاتینه‌كرن و پێش وه‌خت ژی هه‌موو ئاماده‌كاری هاتینه‌كرن ئه‌ڤ ساله ژی جوداهی هه‌بوو، چونكو ل سه‌ر ئاستێن بلند هه‌ماهه‌نگی و هه‌فكاری ل گه‌ل ژماره‌كا وه‌زاره‌تان هاتبووكرن وه‌كو وه‌زاره‌تا كاره‌بێ و نافخو و گه‌هاندنێ ده‌زگه‌هێن ئه‌منی و هه‌موو پێكڤه ل گه‌ل وه‌زاره‌تا ساخله‌میێ و وه‌زاره‌تا په‌روه‌ردێ كاركرن ژبۆ سه‌ر ئێخستانا ئه‌زموونن و ئه‌ڤرۆ كه به‌رهه‌مێ وێ هه‌ماهه‌نگیێ مه دیت وه‌كو هه‌بوونا كاره‌با گشتی ل گه‌له‌ك بنگه‌هێن ئه‌زموونا و برینا هێلا ئه‌نترنێتێ و پاراستن و ته‌ناهیا بنگه‌هان ژلایێ پولیسان ڤه و هه‌موو رۆژێن تاقیكرنان دێ ب شێوه‌كێ سه‌ركه‌فتنیانه هێنه ئه‌نجامدان.
ناڤبری ئه‌وچه‌نده‌ژی ئاشكه‌راكركو به‌ری نوكه ژی وه‌زاره‌تا كاره‌بێ سوز دابوو و سوزا خوه بجه ئینا و پتریا بنگه‌هێن تاقیكرنان كاره‌با گشتی هه‌بوو و هه‌كه ل بنگه‌هی كاره‌ب نه‌بوو ل ژنا موالیدان به‌رهه‌ڤێن خوه كربوون ژبۆ ڤێ چه‌ندێ ئانكو ئه‌ڤرۆ ژلایێ نه‌بوونا كاره‌بێ ڤه چو ئاریشه نه‌بوون و و ژلایێ ئامیرێن باته‌زینكا ڤه بنگه‌هێن ئه‌زموونان پێش ده‌م ئاماده‌كارێن خوه كربوون ژبۆ ئه‌نجامدانا تاقیكرنێن قوناغا دوازدێ
ئه‌یاد حه‌جی ئه‌حمه‌د، وه‌كو سه‌رپه‌رشتێ په‌روه‌ردێ بۆ به‌رپه‌رێ په‌روه‌رده‌و زانكۆ گۆت: هه‌تا ئاسته‌كێ باش ئه‌ڤرۆ ل گه‌له‌ك بنگه‌هان كاره‌ب یا باش بوو هولێن مه گه‌له‌ك ب رێكو پێك بوون ژبۆ گه‌هاندنا پرسیاران ئه‌م دبینه دو سه‌رپه‌رشت و رێڤه‌به‌ره‌كی ژبۆ گه‌هاندنا پرسیارا و ئه‌ڤرۆ ل ده‌مێ ده‌ستنیشانكری پرسیار گه‌هشتینه هه‌موو قوتابخانا و ده‌مژمێر شه‌ش و چارێكه‌ك ئه‌م ل رێڤه‌به‌ریا په‌روه‌ردێ بووین و ئه‌ڤ ساله ب شێوه‌كێ باش تاقیكرن دێ ب رێڤه‌چن و ئه‌ڤرۆ ئامیره هه‌بوون ژبۆ پشكنینكرنا قوتابیان و دیسان ئاشكه‌را كرنا بلۆتوسان و هه‌ردیسان هه‌تا ده‌مژمێر ده‌ه و نیڤی سپێدی تورا ئه‌نترنێتێ ژی هاتبوو برین و هه‌شت بنگه‌ه تابعێ مه‌بوون و پولیس ل هه‌موو بنگه‌هان دئاماده‌بوون و كارێ خوه دكرن و هه‌روه‌سان ژلایێ با ته‌زینكا ژی ڤه گه‌له‌ك دباش بوون و هنده‌ك هولان سپلێت ژی تێڤه بووون، چونكو هه‌موو رێڤه‌به‌رێن قوتابخانا ئاماده‌كارێن خوه كربوون و پێگریه‌كا باش ب رێكارو رێنمایێن خوپاراستێ هاتبوون كرن ژلایێ قوتابیان و چاڤدیران و رێڤه‌به‌رێن هولێن تاقیكرنا
مشیرسه‌عید گرێ پتی وه‌كو چاڤدیر ل قوتابخانه‌یا بژاره بۆ به‌رپه‌رێ په‌روه‌رده‌و زانكۆ گۆت: ئه‌ڤرۆ تاقیكرنێن پۆلا دوازدێ ئاماده‌یی ل بنگه‌هێ مه ب شێوه‌كێ گه‌له‌ك باش ب رێڤه‌چوو ل بنگه‌هێ مه نێزیكی هه‌شتێ قوتابی پشكداربوون و ئه‌و قوتابێن ئه‌ڤرۆ ل بنگه‌هی َمه تاقیكرن كری پتریا وان سه‌رجه‌م (معدل) دڤیا و هنده‌ك قوتابیان تاقیكرن نه‌كر ژبه‌ر معده‌لی و هه‌كه قوتابی زانی بیت دێ نمره نوتێ به‌ت تاقیكرن نه‌كریه و ئه‌ڤ ساله جوره‌كێ ئامیره‌كێ نوی یێ هاتی ژ بۆ ئاشكه‌راكرنا بلۆتوسا و ب چ ره‌نگان ئه‌ڤرۆ مه بلۆتوس ڤ قوتابیان نه‌دیت و دیسان ژلایێ‌َ هوینكاتیێ ڤه گه‌له‌ك یا باش بوو و دیسان ئاق ته‌زینك تێڤه بوون و ئاڤ ل سه‌ر قوتابیان دهاته به‌لاڤكرن هه‌كه وان ڤیابا و چووكێماسی نه‌بوون.
نه‌وزاد ته‌ته‌ر وه‌كو چاڤدێر ل قوتابخانا میتان بۆ به‌رپه‌رێ په‌روه‌رده‌و زانكۆ گۆت: ئه‌ڤرۆ تاقیكرنێن قوتابێن قوناغا دوازدێ ئاماده‌یی ب شێوازه‌كێ گه‌له‌ك جوان ب رێڤه‌چوون، به‌لێ ل ده‌ست پێكا تاقیكرنان قوتابی زویكا نه‌هاتنه دهۆلا دتاقیكرنێ ڤه و هنده‌ك قوتابی هه‌تا ده‌مژمێر هه‌شت و نیڤێ سپێدێ ژی مه ێت كرینه دهولا تاقیكرنێ ڤه و دیسان ئه‌ڤرۆ كه نێزیكی 30 % قوتابی نه‌هاتبوونه دتاقیكرنێ ڤه ل بنگه‌هێ مه و ل ده‌ستپێكا تاقیكرنا ئه‌ڤرۆ كو یا مێژوویێ بوو مه قوتابی ته‌فتێش كرن و ب چ ره‌نگان قوتابیان بزاڤا قوپیایێ نه‌هاته كرن و مه ئامیرێ ئاشكرا كرنا بلۆتوسان ژی مه ب كارئینان.
