41 كه‌سێن دى ژ ده‌ستێ داعش رزگار بوون
ئه‌ڤرۆ نيوز:
ئه‌ڤرۆ هژماره‌كا دى يا ژن و زارۆ و زه‌لامان ژ ده‌ستێ رێكخراوا تيرۆرستى يا داعش رزگار بوون و گه‌هشتنه هه‌رێما كوردستانێ و ره‌وشا وان يا ساحله‌ميێ يا باشه.
رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ راگه‌هاند كو ئه‌ڤرۆ 28ى نيسانا 2015ێ 41 كه‌سێن دى ژ ده‌ستێ داعش رزگار بوون.
خه‌يرى بۆزانى، رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ، گۆت: “ئه‌ڤرۆ ژى 24 زارۆ و 10 ژن و 7 زه‌لام ژ ده‌ستێ داعش رزگار بوون و گه‌هشتنه هه‌رێما كوردستانێ”.
رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ زێده‌تر گۆت: “ئه‌ڤه خه‌لكێ گۆندێ كۆچۆ و دهۆلا و گرعزێرن و ژ لايێ ئاسايشا شنگال ڤه هاتينه رزگار كرن”.
