45 ته‌نێن كه‌لوپه‌ل و ده‌رمانان هاتینه ژ ناڤبرن
ئاكرێ، ره‌مه‌زان زه‌كه‌ریا:
به‌رپرسێ بنگه‌هێ چاڤدێریا بازرگانی ل ئاكرێ و نوونه‌رێ لژنا بلند ئاشكرا كر، د ئه‌ڤ ساله دا 45 ته‌ن و 140 كیلۆگرامێن كه‌لوپه‌لێن جودا و ده‌رمانێن ده‌م ب سه‌رڤه‌چوویی ل سنوورێ ده‌ڤه‌رداریا ئالكرێ هاتینه ژ ناڤبرن، ژ وان ژی 33 ته‌ن و 860 كگم كه‌لوپه‌لێن خوارنێ و ڤه‌خوارنێ و جوانكاریان و 11 ته‌ن و 280 كگم ژی ده‌رمان بوون.
شه‌هاب یاسین، به‌رپرسێ بنگه‌هێ چاڤدێریا بازرگانی ل ئاكرێ بۆ ئه‌ڤرۆ گوت: “د سالا 2021 بنگه‌هێ چاڤدێریا بازرگانی 218 ده‌ركه‌فتن بۆ بازاڕی كرینه و دو هزار و 495 فڕۆشگه‌هـ و جهێن جودا یێن بازرگانی ل بازاڕی هاتینه پشكنین و سه‌ره‌دانكرن، د ئه‌نجامێ وان سه‌ره‌دانان دا هژماره‌كا فرۆشگه‌ه و سه‌رپێچیكاران ب گوژمێ ملیۆنه‌ك و 400 هزار دیناران هاتینه سزادان”.
ناڤهاتی خویا كر، ئه‌و كه‌لوپه‌له ژ لایێ هۆبا ئابوورییا رێڤه‌به‌رییا ئاسایشا ناڤ باژێری و ده‌وروبه‌ران ل ئاكرێ و چاڤدێرییا بازگانی ده‌ست ب سه‌ردا هاتبوو گرتن.
