45 ساله خه‌لك نه‌شێت ڤه‌گه‌رێته سه‌ر گوندێن نێروه‌ورێكان و دوسكی ژوری
ئه‌ڤرۆ، نه‌وزاد هلۆری:
ژئه‌گه‌رێ له‌شكركێشا رژێما به‌عس و به‌رده‌وامبوونا ئاوزیێن دناڤبه‌را توركیا و په‌كه‌كێ پشكه‌ك ژ ده‌ڤه‌را شێلادزێ كو نێروه‌ورێكان و دوسكی ژوری بخوڤه دگریت كریه د كه‌ره‌نتینه‌كا ئه‌منی دا و ئه‌ڤه نێزیكێ 45 سالایه خه‌لك نه‌شێن مفای ژ گونده‌وارێن خوه ببینن.
مێهڤان رێكانی، وه‌لاتیه‌كێ شێلادزێ یه دیاركر كو ئه‌ڤه ل سالا 1976ێ شێلادزێ هاتیه دامه‌زراندن و هه‌تا نوكه ئه‌وان نه‌شیایه مفای ل گونده‌وارێن خوه وه‌ربگرن و گۆت: ( ژبلی كو حوكمه‌تا هه‌رێما كوردستانێ چوو پشته‌ڤانی بۆ كه‌رتێ گه‌شتوگۆزاری و سه‌خبێری و پاراستن و چێكرنا وان نه‌كریه، دیسان ژبلی كو كاره‌ب و ئاڤ و هێلێن په‌یوه‌ندی و خزمه‌تگۆزاری و جادده و هه‌تا دوماهیێ نینن، هه‌ڤده‌م نه‌بوونا ئارامی و ئه‌من و ئاسایشه‌كا جێگر بۆ پشكه‌ك ژ ده‌ڤه‌را شێلادزێ ب تایبه‌تی بۆ ده‌ڤه‌رێن نێروه‌ورێكان و دوسكی ژوری، شێلادزێ كریه د كه‌ره‌نیته‌كا ئه‌منی دا و ژبلی جاددا سه‌ره‌كی نه‌شێن ده‌ركه‌ڤن و مفای ل سرۆشت و ده‌شت و چیا و رووبار و گوندێن خوه وه‌ربگرن و چه‌ندین ساله ب چولكری هێلاین).
زێده‌تر گۆت، ئه‌گه‌ر جهێن شوله‌ژێ نه‌شێن خزمه‌تگۆزاریێن ده‌ستپێكی ب تایبه‌تی ئاڤ و كاره‌ب و جاده و هه‌تا دوماهیێ بو ده‌ڤه‌رێن جودایێن شێلادزێ و جهێن گه‌شتوگۆزاریێن وێ دابین بكه‌ن، هه‌ر چ نه‌بیت بلا بزاڤان بكه‌ن كو ئه‌من و ئاسایشا ده‌ڤه‌رێ ژ بۆردمانێن توركیا و شه‌رێ وان و په‌كه‌كێ رابگرن داكو ئه‌ڤ خه‌لكه بشێت كار بكه‌ت، ب تایبه‌تی نوكه كو قه‌یرانا دارایی كارتێكرن ل ره‌وشا وه‌لاتیان كریه و كار نیه.
ئه‌حمه‌د شامكی، وه‌كو ئێك ژ چالاكڤانێن شێلادزێ ل سه‌ر بابه‌تی گۆت: (شێلادزێ ئێكه ژ وان ده‌ڤه‌رێن هه‌ری بناڤ و ده‌نگ بۆ هه‌بوونا سه‌دان جهێن گه‌شتوگۆزاریێن خوش و گرنگ، به‌لێ جهێ داخێ یه هیچ خزمه‌تگۆزارییه‌ك ل وان جهان نینه، دسه‌ر ڤێ یه‌كێ ژی دا ره‌وشا ئه‌منی یا ده‌ڤه‌رێ ب تایبه‌تی به‌رده‌وامبوونا بۆردمان و شه‌ر و ئالوزیێن دناڤبه‌را توركیا و په‌كه‌كێ بویه ئه‌گه‌ر كو كارتێكرنه‌كا نه‌رێنی ل سه‌ر ره‌وشا ژیانا وه‌لاتیان بهێته‌كرن، ژبه‌ركو ژبلی كه‌رتێ گه‌شتوگۆزاری، وه‌لاتی نه‌شێن چاندنێ بكه‌ن و ته‌شوكه‌والی ژی ب خودان بكه‌ن و بچنه ناڤا ره‌ز و بیستان و چیایێن خوه و كه‌رسته‌یێن جودا بفروشن).
زێده‌تر گۆت( ئه‌ڤه 45 ساله پشكه‌ك ژ شێلادزێ د كه‌ره‌نتین و ره‌وشه‌كا نه ئارام دا دژیت، یا ژ وێ نه‌خۆشتر ئه‌وه كو چو بزاڤ ژی نینه جاره‌كا دی ئه‌و ده‌ڤه‌ر بهێنه ئاسایكرن، ئه‌ڤێ یه‌كێ بهێنا خه‌لكی ته‌نگ كریه و نه‌چارن ب هه‌ر رێیه‌كا هه‌بیت خوه ئه‌گه‌ر گیانێ وان ببیته قوربانی قه‌ستا گونده‌وارێن خوه بكه‌ن، جهێ داخێ یه د ڤان چوار سالان دا پتری 25 كه‌س ل شێلادزێ و دێره‌لووكێ شه‌هیدبوینه، هه‌ر ژبه‌ر ئه‌ڤێ ره‌وشێ ژی هژماره‌كا زۆر یا خه‌لكی قه‌ستا ژ ده‌رڤه كریه).
عه‌بدوللا خالد، سه‌رۆكێ رێكخراوا ئاشتی و ئازادی ل كوردستانێ دیاركر كو ئه‌وان وه‌كو رێكخراو ڤه‌كولینه‌ك ل سه‌ر ره‌وشا بۆردمان و شه‌ر و ئالوزیان ل پارێزگه‌ها دهۆكێ ب گشتی و ده‌ڤه‌را ئامێدیێ ب تایبه‌تی دروستكریه و گۆت: (جهێ داخێ یه بێی كو خه‌لكێ ده‌ڤه‌رێ هیچ زولم و سته‌مه‌ك كربیت ل گوندێن وان هاتینه ده‌ركرن و به‌رده‌وام گونده‌وار و ده‌ڤه‌رێن وان بوینه مه‌یدانا شه‌ری و بوردمانان، له‌وا مه دراپورته‌كا تێر و ته‌سه‌ل دا ئه‌گه‌ر و كارتێكرن و چاره‌سه‌ری بلا جهێن شوله‌ژێ ره‌وانه‌كر و تێدا به‌حسا ده‌ڤه‌رێ كریه داكو ژ ئه‌ڤرۆ وێڤه ئارام بیت و خه‌لكێ
