500 كیلۆیێن تری دبنە 100 كیلۆیێن دۆشاڤێ
رەمەزان زەكەریا:
هەرچەندە لڤی سەردەمی پتریا ئەو كارێن باب و باپیران مە د وەختێ خوە دا دكرن بەر ب كێمیێ ڤە چووینە، یانژی وەكو بەرێ گرنگی پێ ناهێتەدان، بەلێ ل گوندێ هەرنێ هەتا نوكە ل سەر شێوازێ بەرێ كارێن رۆژانە دكەت.
حەجی هەرنی، جۆتیارەكێ گوندێ هەرنێ یە، بۆ رۆژنامەیا ئەڤرۆ گۆت: ئەڤ سالە مە ترییەكێ جوان ژێڤەكریە و دێ بەین كەینە دۆشاڤ نێزیكی (500) كیلۆیا دێ نێزیكی (100) كیلۆیێن دۆشاڤێ ژێ دەركەڤن، دو جۆرێن تری نە (رەش و سۆر) هەردوكا پێكڤە دێ كەینە دۆشاڤ، بەلێ بۆ دۆشاڤێ تریێ هویر و ب ئاڤ باشترە، یێ سۆر یێ جوانە و بۆ فرۆتنێ ژی باشترە.
هەروەسا گۆت: ئەگەر ئەم بەرا و خولیێ نەكەینە دناڤ مەنجەلان دا باش چێ نابیت، هندەك ب تنێ خولیێ دكەنە دناڤ دا و هندەك بەرا، بەلێ ئەم هەردوكا دكەینە دناڤ دا ئەگەر بەر و خولیێ نەكەینە تێدا چەند ب كەلیت تام بكەیێ دێ هەر یا تەحل بیت، ئەگەر بەر و خولی كرنە تێدا دێ شرین بیت، نوكە ژی دێ ئەوا دكەڤیتە سەر مەنجەلێ دا دێ ژێ گرین و هاڤێژین پاشان مە مەنجەلەكا دانای دێ كەینە ناڤ وێ دا و دۆشاڤا دروست دێ ل وێرێ دا دروست بیت.
