500 پارچەیێن ئەردی ل خانكێ ل سەر فەرمانبەران دێ هێنە بەلاڤكرن
دهۆك، لەزگین جۆقی:
سەرۆكێ باژێرڤانیا ناوچەداریا خانكێ بۆ رۆژناما ئەڤرۆ دیار كر، بەرهەڤیێن بەلاڤكرنا پارچەیێن ئەردی ل سەر فەرمانبەرێن ناوچەداریا خانكێ تمامبووینە.
خەیری جەعفەر، سەرۆكێ باژێرڤانیا ناوچەداریا خانكێ گۆت: «ل دووڤ بڕیارا حكومەتا هەرێما كوردستانێ، پارچەیێن ئەردی بۆ فەرمانبەران ل ناوچەداریا خانكێ هاتینە بەرهەڤكرن و د دەمەكێ نێزیك دا، 500 پارچەیێن ئەردی ل سەر فەرمانبەرێن خانكێ دێ هێنە بەلاڤكرن و هەر فەرمانبەرەك دێ پارچەكا 200 مەتری وەرگریت».
گۆتژی: «هەمی بەرهەڤی تمامبووینە بۆ بەلاڤكرنا وان پارچەیێن ئەردی ل سەر فەرمانبەرێن ناوچەداریا خانكێ».
