51 پڕۆژه‌یێن خزمه‌تگوزاری ل زاخۆ دێ‌ هێنه‌ بجهئینان

51 پڕۆژه‌یێن خزمه‌تگوزاری ل زاخۆ دێ‌ هێنه‌ بجهئینان

7

زاخۆ، عه‌لی حاجی:

‎ سه‌رپه‌رشتێ ئیداره‌یا سه‌ربخوه‌ یا زاخۆ د كۆنگره‌یه‌كێ رۆژنامه‌ڤانی دا دیار كر، ل سه‌ر ڕاسپاردا سه‌رۆكێ حكومه‌تا هه‌رێما كوردستانێ، زێده‌تری 15 ملیار دیناران بۆ پڕۆژه‌یێن خزمه‌تگوزاریێن ئیدارا سه‌ربخوه‌ یا زاخۆ، هاتینه‌ ته‌رخانكرن.

‎ گوهدار شێخۆ، سه‌رپه‌رشتێ ئیدارا سه‌ربخوه‌ یا زاخۆ گوت: “ل سه‌ر ڕاسپاردا مه‌سرور بارزانی، سه‌رۆكێ حكومه‌تا هه‌رێما كوردستانێ، ژ بۆ به‌ڕژه‌وه‌ندیا گشتی و دابینكرنا خزمه‌تگوزاریان، ژ بودجا گه‌شه‌پێدانا پارێزگه‌هان زێده‌تری 15 ملیار دیناران بۆ پڕۆژه‌یێن جورا و جورێن خزمه‌تگوزاری ل ئیدارا سه‌ربخوه‌ یا زاخۆ، ب هه‌ردو ده‌ڤه‌ردارێن (زاخۆ، باتیفا) ڤه‌ ته‌رخانكرن، ئه‌و پڕۆژه‌یه‌ راسته‌وخوه‌ ب ژیانا خه‌لكی ڤه‌ دگرێداینه‌”.

گۆتژی: “ب وی گوژمێ‌ پاره‌ی بڕیاره‌ 51 پڕۆژه‌یێن خزمه‌تگوزاری بهێنه‌ بجهئینان، 44 پڕۆژه‌ ژ وان یێن سالا 2022نه‌ و حه‌فت پرۆژه‌یێن به‌رده‌وامێن سالا 2013 هه‌تا نوكه‌نه‌”.

گوهداری زێده‌تر گۆت: “ژ وی گوژمێ‌ پاره‌ی 45% بۆ ده‌ڤه‌رداریا باتیفا هاتیه‌ ته‌رخانكرن و 55% ژی ژ گوژمێ گشتی بۆ چێكرنا جاده‌یێن ناڤخوه‌ و سه‌ره‌كیێن گوندان ل سنۆرێ ئیدارا سه‌ربخوه‌ یا زاخۆ هاتیه‌ ته‌رخانكرن”.

ناڤبری دیار كر ژی وان پلانه‌كا نوو بۆ كه‌سكاتیێ ل باژێرێ زاخۆ دانایه‌، ژ به‌ركو ئه‌و دێ گرنگیه‌كا تایبه‌ت ب رێژه‌یا كه‌سكاتیێ ده‌ن و ل دووڤ وێ پلانا هاتیه‌ دانان هه‌ر ژ ده‌ستپێكا تونێلێ هاتا ده‌رگه‌هێ‌ باژێرێ زاخۆ دێ بیته‌ كه‌سكاتی، دیسا دێ باخچه‌ ژی ل زاخۆ هێنه‌ دروستكرن و كه‌ڤنه‌ د خزمه‌تا وه‌لاتیان دا.

ئه‌و چه‌نده‌ ژی گۆت: “نوكه‌ كار ل سه‌ر به‌رفره‌هكرنا جادده‌یان د ناڤ سه‌نته‌رێ باژێرێ زاخۆ دا دهێته‌ كرن و د ده‌مه‌كێ‌ نێزیك ژی دا دێ سێ جادده‌یێن گشتی هێنه‌ به‌رفره‌هكرن و هزر د دروستكرنا ئه‌نده‌رپاسه‌كێ دا هاتیه‌ كرن ل پێشه‌سازیا زاخۆ ژ بۆ كێمكرنا قه‌ره‌بالغیا ترۆمبێلان و د ده‌مه‌كێ‌ نێزیك دا هنده‌ك پۆۆژه‌یێن دیتر یێن ستراتیژی دێ هێنه‌ راگه‌هاندن”.

کۆمێنتا تە