521 حاله‌تێن توندوتیژیێ ل هه‌مبه‌ری زه‌لامان هاتینه تۆماركرن
ئه‌ڤرۆ:
ئێكه‌تیا زه‌لامێن كوردستانێ ئامارێن توندوتیژیێ هه‌مبه‌ری زه‌لامان د سالا بۆری دا ئاشكرا كرن و سكرتێرێ وێ ئێكه‌تیێ ژی دبێژیت: د سالا 2021ێ دا 521 حاله‌تێن توندوتیژیێ هه‌مبه‌ری زه‌لامان هاتینه تۆماركرن.
برهان عه‌لی فه‌ره‌ج، د داخویانیه‌كا رۆژنامه‌ڤانی دا دیار كر، د سالا بۆری دا 521 حاله‌تێن سكالایان و توندوتیژیێ، 68 حاله‌تێن خوه كوشتنێ و شه‌ش حاله‌تێن كوشتنا زه‌لامان ژ لایێ ژنانڤه ب هاریكاریا هنده‌ك كه‌سێن دی هاتینه تۆماركرن.
سكرتێرێ ئێكه‌تیا زه‌لامێن كوردستانێ ئاماژه ب وێ چه‌ندێ ژی كریه كو هه‌ڤبه‌ركرن ل گه‌ل سالا 2020 نێزیكی 30 حاله‌تان كێم بووینه.
