61 بنگههێن نوو یێن گهشتیاری ل پارێزگهها دهۆكێ هاتینه ڤهكرن
ئهڤرۆ:
رێڤهبهریا گشتی یا گهشتوگوزارێ ل پارێزگهها دهۆكێ دیار كر، ژ دهستپێكا ئهڤ ساله ههتا دووماهیا مهها تیرمههێ 61 بنگههێن نوو یێن گهشتوگوزاری ل پارێزگهها دهۆكێ هاتینه ڤهكرن.
رێڤهبهریا گشتی یا گهشتو گوزارێ ل پارێزگهها دهۆكێ راگههاند، د بهردهوامیا ڤهكرنا بنگههێن نوو یێن گهشتیاری دا ل پارێزگهها دهۆكێ، 61 بنگههێن نوو یێن گهشتیاری د دهمێ حهفت ههیڤێن بۆری دا ههر ژ رۆژا 1/1/2022 ههتا 30/7/2022 ل پارێزگهها دهۆكێ هاتینه ڤهكرن، ژ بلی ئهو خزمهتا بنگههێن ناڤهاتی پێشكێشی گهشتیاران دكهن، ب سهدان دهلیڤێن كاری بۆ خهلكێ مه ل ڤان بنگههان پهیدابووینه.
