70% رێكا پەیادە یا كەمەرا ئامێدیێ هاتیە بجهئینان
ئامێدیێ، مەحمود نهێلی:
كار د چێكرنا رێكا پەیادە یا كەمەرا ئامێدیێ بەردەوامە و هەتا نوكە پتر ژ 70% هاتیە چێكرن.
ئەندازیار گارە حەجی شەعبان، سەرپەرشتێ پڕۆژەی بۆ رۆژناما ئەڤرۆ دیار كر، كار د چێكرنا رێكا پەیادە یا كەلا ئامێدیێ بەردەوامە، نوكە كار د چێكرنا دیوارێن پالپشت دا ب داوی هاتیە و گەهشتیە قووناغێن دانانا بەرێ بازی بۆ ناڤ رێكێ و گۆت: «ئەڤ پڕۆژە پتر رێیەكا گەشتیاری یە و گوژمێ دو ملیار و 300 ملیۆن دیناران بۆ هاتینە تەرخانكرن».
ناڤهاتی دیارژی كر، مەرەم ژ چێكرنا ڤێ رێكێ پتر مەرەمێن گەشتیاری نە و ژ بۆ راكێشانا گەشتیارانە بۆ دەڤەرێ و زێدەباری ئەو رەز و باغێن وەلاتیان یێن دكەڤنە نێزیك وێ رێكێ دێ پتر مفای ژێ بینین و جۆتیار دشێن ب كاربینن و گۆت: «نێزیكی سالەكێ یە مە دەست ب چێكرنا ڤێ رێكێ كری، درێژاهیا وێ نێزیكی سێ كیلۆمەترانە و ماوێ پڕۆژەی 500 رۆژن، لێ بەری دەمێ خوەیێ دیار كری دێ ب دووماهی هێت و كەڤیتە د خزمەتا خەلكێ ڤێ دەڤەرێ و گەشتیاران دا».
