80 شاشی د پەرتووکا فیزیایێ یا پولا دوزادێ دانە و نەھاتینە چارەکرن
ئه‌ڤرۆ نيوز:
چەند سالە 80 شاشی د پەرتووکا بابەتێ فیزیایێ دانە یا پولا دوازدێ ئامادەیی و مامۆستایەکێ بسپور رێڤەبەریا پەروەردێ ل سەر بابەتی ھایدارکریە و ھەتا نوکە ئەو شاشی نەھاتینە چارەسەکرن. ئەرشەد ماموستایێ بابەتێ فیزیایێ بۆ ئەڤرۆ دیار کر، ئەڤ شاشیە دبنە ئەگەرێ ھندێ نمرە ژ قوتابیان بھێنە ستاندن و ل سالا بۆری لاپەرێ (81) پرسیارەک ھاتبوو بۆ قوتابیان و قوتابی ژ دو نمران ھاتنە بێ بەھرکرن.
مامۆستا ئەرشەد رەشید سلێمان ماموستایێ بابەتێ فیزیایێ ل ئامادەیا لاڤان یا کچان بۆ رۆژناما ئەڤرۆ گۆت: گەلەک شاشی د بابەتێ فیزیایێ یا پولا نەھێ دا یا بنەرەت ھەنە ل کوپیا زاراڤێ کرمانجی و دیسا زمانێ ئنگلیزی و مە پەروەردە و سەرپەرتێن پەروەردێ ل سەر بابەتی ھایدارکرینە و دانەک ب دەست نیشانکرنا شاشیان ڤە مە رادەستی بەرپرسێن پەروەردێ کرینە ل پارێزگەھا دھۆک، (19) شاشی د پەرتووکا زمانێ ئنگلیزی دانە و (18) شاشی یا ھەمان بابەت ب زارڤێ کرمانجی دا ھەنە و ئەڤە ھەموو د پەرتووکا دوازدێ دانە و گەلەک جارا پرسیار ب ڤی رەنگی بۆ قوتابیان دھێن و قوتابی دبیتە قوربانی ڤان شاشیان.
ھەمان مامۆستایێ بابەتێ فیزیایێ گۆت ژی: دیسا (80) شاشی د پەرتووکا پۆلا دوزادێ دا ھەنە شاشیێن زانستی و دیسا ھەنە یێن کوپیکرنێ، ب تنێ بابەتێ فیزیایێ د پۆلا دوازدێ کو ب زمانێ عەرەبی و ئنگلیزی و دیسا ب ھەر دو زارڤێن کرمانجی و سۆرانی ھاتیە وەرگێران جوداھیێن مەزن ھەنە و ئەڤە ژی بۆ وەرگێرانێ دزڤریت کو ب دروستی چاڤدێری ل سەر نەھاتیەکرن و دیسا ھەتا شاشیێن زانستی ھەنە و دیسا ھندەک پرس تێدا ھەنە بەرسڤێن وان د ئێک پەرتووک دا و ب تنێ وەرگێرانێ دا جوداھی ھەیە.
ھەمان ماموستا ئەو ژی دیار کر، ئەڤ شاشیە ھاتبوونە دەست نیشانکرن و بۆ وەزارەتا پەروەردێ ھاتینە رەوانەکرن و ژ بەر ھەلویستێ من ل سەر ڤان شاشیان وەزارەتا پەروەردێ سوپاسیەک ئاراستەی من کربوو و ئەڤە پار من رادەستی وەزارەتا پەروەردێ کربوو و ئەڤ سالە مخابنی ڤە پەرتووک ھاتن ھەمان شاشی تێدا دووبارە بووینە.
مامۆستا ئەرشد دیارکر ژی کو ئەڤ شاشیە دبنە ئەگەرێ ھندێ نمرە ژ قوتابیان بھێنە ستاندن و ل سالا بۆری لاپەرێ (81) پرسیارەک ھاتبوو بۆ قوتابیان و قوتابی ژ دو نمران ھاتنە بێ بەھرکرن.
ناڤبری گۆت ژی: پێدڤیە وەزارەت بەری پەرتووکان کوپی بکەت بۆ قوتابیان چەند دانەک ل سەر مامۆستایێن بسپور بھێنە بەلاڤەکرن و پێداچوونێ تێدا بکەن و شاشی تێدا بھێنە دیارکرن، چونکو قوتابی زیان ڤێ دکەڤیت و دیسا حوکمەت ژی مەزاختیەکێ مەزن ب وان پەرتووکان دەت وەک دراڤ دا ئەڤ شاششیە بھێنە کونترۆل کرن، چونکە ئەگەر شاشی ھەبن دڤێت ئەو پەرتووک ھەموو بھێنە ژناڤبرن، یان ژی نامیلەکە ل گەل پەرتووکان بۆ مامۆستان بھێتە رەوانەکرن کو ئەڤ شاشیە ھەنە و د دەمێ وانە گۆتنێ دا ئەڤێ نامیلێ ژبیرنەکە و قوتابیان ل سەر شاشیان ئاگەھدار بکەن.
ھێشتا گۆت: ب تنێ ئەڤ شاشیە نە ل پەروەردا دھۆک ب تنێ نە، بەلکو کوردستان ھەموو ل سەر ھەمان شاشی خوینن، دیار کر ژی کو ل زانستا پولا ئێکێ بنەرەت ژی شاشی تێدا ھەبووینە و وەزارەتا پەروەردێ ل سەر بابەتی ھاتیە ئاگەھدارکرن.