80% نه‌ساخى ب رێیا ده‌ستان دهێنه‌ ڤه‌گوهاستن

بارزان ، نه‌وزاد زاده‌ هلورى:
ئه‌ندامێن له‌شێ مروڤى ب گشتى و ده‌ست ب تایبه‌تى ئه‌گه‌رێن سه‌ره‌كى نه‌ كو نه‌ساخیان ژ ژینگه‌ها ده‌رڤه‌ بوو ناڤ له‌شێ مروڤى ڤه‌ ب گوهێزن ، و دكتوره‌ك دده‌تن دیاركرن كو 80% ژ نه‌ساخیێن ده‌رڤه‌ ب رێیا ده‌ستان بوو ناڤ له‌شێ مروڤى دهێنه‌ ڤه‌گوهاستن.
دكتور ئه‌یوب عه‌بدوللا مێرگه‌سوورى تایبه‌تمه‌ندێ نه‌شته‌رگه‌ریا گشتى دیاركر كو چه‌ند پاراستن هه‌بیت چاره‌سه‌رى دێ كێمتر بیت و بو ئه‌ڤرۆ نیوز گۆت : ( ب شێوه‌یه‌كێ گشتى هه‌موو ئه‌ندامێن له‌شێ مروڤى هه‌ر ئێك ژ وان به‌هرا خوه‌ د ڤه‌گوهاستنا نه‌ساخیان ژ ژینگه‌ها ده‌رڤه‌ ئه‌ڤجا چوو ژ كه‌سه‌كێ دن بیت یان تشته‌كێ نوو بیت بوو ناڤ له‌شێ مروڤى ڤه‌دگوهێزن به‌لێ به‌هرا پتریا وان كو مروڤ دكاریت بێژیت هه‌تا 80% ژ وان نه‌ساخیێن كو دڤه‌گوهێزن ب رێیا ده‌ستان بوو ناڤ له‌شێ مروڤى دهێنه‌ ڤه‌گوهاستن )
زێده‌تر گۆت : ( به‌هرا پتریا وان نه‌ساخیێن كو ب ئه‌گه‌را ده‌ستان بوو ناڤ له‌شێ مروڤى دهێنه‌ ڤه‌گوهاستن نه‌ساخیێن ڤایروسى نه‌ وه‌كو هه‌موو جورێن ئه‌نفلونزا و په‌رسیف و میكروب و گه‌له‌ك نه‌ساخیێن دن )
مێرگه‌سورى دیاركر ژى كو پێدڤى یه‌ ب كێمى روژانه‌ سێ جاران مروڤ ده‌ستێن خوه‌ ب ئاڤ و سابوونێ ب شووت و گۆت : ( شوشتنا ده‌ستان ب ئاڤ و سابوونێ گرنگترین ئه‌گه‌ره‌ كو دبیته‌ رێگر نه‌ساخى بوو ناڤ له‌شى َمروڤى نه‌هێنه‌ ڤه‌گوهاستن ب تایبه‌تى ئه‌گه‌ر مروڤ ژ كاره‌كێ مینا چوونا ده‌ستئاڤێ یان كرنا كاره‌كێ یان تووزاوى یان ده‌ستكاریكرنا هندك جورێن ده‌رمان و مادێن كیمایى یان بێژین ب شێوه‌یه‌كێ گشتى ده‌ما مروڤ ژ هه‌ر كاره‌كێ دن ب دوماهى دهێت پێدڤى یه‌ ده‌ستێن خوه‌ ب شووت ب تایبه‌تى د نهادا كو نه‌ساخیا كولێرایێ به‌ر ب زێده‌بوونێ ڤه‌ دچیت )

کۆمێنتا تە