812 سالان ناڤێ وێ كەلها زاخۆ بوو
دلۆڤان هالۆ:
محەمەد مراد، نڤیسەر و كەسایەتیێ دیارێ ئیدارەیا سەربەخۆیا زاخۆ، د دیدارەكێ دا بۆ رۆژنامەیا ئەڤرۆ گۆت: 812 سالان ئەو كەلها بەری نوكە دگۆتنێ قشلا زاخۆ، ناڤێ وێ كەلها زاخۆ بوو، لێ پشتی دەولەتا عوسمانی زاخۆ داگیركری ناڤێ وێ كرە (قشلا زاخۆ) و پەیڤا قشلە (توركی) یە و كەلهە كوردی یە.
ناڤهاتی گۆت: ئەڤ كەلهە ل تە نشت خابیرێ زاخۆ ل سەر كەڤرو بەرێن خێزی هاتیە ئاڤاكرن، دكەڤن دا بنگەهێ میرنشینا بەهدینان بوو، پشتی هینگێ بوویە جهێ ڤەحەواندنا لەشكەرێ عوسمانی، مێژۆیا ئاڤاكرنا وێ بۆ چەرخێ سێزدێ دزڤڕیت، هەروەسا پشتی ژلایێ حكومەتا هەرێما كوردستانێ ڤە هاتیە نووژەنكرن بوویە جهەكێ شوونواری و گەشتوگوزارێ و رۆژانە خەلكێ دەڤەرێ و گەشتیارێن بیانی و ناڤخۆ سەرەدانا وێ دكەن.
