85 جادە ل ئاكرێ هاتنە قێركرن
ب گوژمێ سێ ملیار و 99 ملیۆن دیناران هژمارەیەكا جاددەیێن ناڤخۆ یێن ئاكرێ دهێنە قێركرن.
ڕێڤەبەریا گشتی یا باژێرڤانیان ل پارێزگەها دهۆكێ ڕاگەهاندیە، ل رۆژا كانوونا ئێكێ 2024ێ، بلند رزا زبێر، سەرۆكێ باژێرڤانیا ئاكرێ ل گەل شاندەكی سەرەدان و دووڤچوونا پڕۆژەیێن باژێرڤانیێ كر.
ئاماژە ب وێ چەندێ ژی كریە، د چارچوڤێ پڕۆژە و خزمەتگوزاریێن بەردەوامێن حكومەتا هەرێما كوردستانێ دا، هژمارەكا پرۆژەیان ل ئاكرێ دهێنە ئەنجامدان، ژ وانا: پڕۆژەیێ قێركرنا هژمارەیەكا جاددەیێن ئاكرێ، نوكە 37 جاددەیێن تاخێ گۆلان دهێنە قێركرن و كۆنكریتكرن، دیسا نوكە ل سنوورێ باژێرڤا ئاكرێ 85 جاددەیان كار ل سەر دهێتە كرن و دیوارێ پشتەڤان بۆ هندەك ژ وان دهێتە دانان.
هەروەسا دیار كریە، درێژاهییا جاددەیێن ئەڤی پڕۆژەی سێ كلیۆمەتر و 700 مەترن و ئەڤ پڕۆژەیە ب گوژمێ سێ ملیار و 99 ملیۆن دیناران دهێتە بجهئینان.
