9 شیرەت بۆ فتارە شکاندنەکا ساخلەم
ئه‌ڤرۆ نيوز:
• پێدڤی یە خوارنا فتارێ یا پێکھاتی بیت ژ خوارنەکا ھەمەرەنگ و ھەڤسەنگ کو ھەر چوار کومێن خوارنێ بخوڤەبگریت وەکو گوشتێ سپی و سۆر، فێقی و زەرزەواتێن گەھشتی و نان و دانک.
• باشترە فتارێ ب خوارنەکا سڤک دەستپێ بکەی داکو مەعیدا مرۆڤی ئامادەیا خۆ وەربگریت بۆ پێشوازیکرنێ ل خوارنێ، بۆ نموونە شوربەکا گەرم، خوشاڤەکا نەجەمەد گرتی یان ئاڤەکا نەگەلەک تەزی دەستپێ بکە داکو نەبنە ئەگەرێ تێکچوونا کوئەندامێ ھەرسکرنێ.
• باشترە پشتی نڤێژکرنێ دەست ب خوارنا سەرەکی بکەی و باشترە جورەکێ بتنێ خوارنا سەرەکی بیت دناڤ سفرا خوارنێ دا.
• باشترە رۆژانە شوربەکا گەرم بھێتە خوارن و ئەوژی جورەکێ سەرەکیێ خوارنێ بیت و رۆژانە زەلاتێ بخوی.
• گەلەک خوارنێ ل دەمێ فتارێ نەخۆ، ژبەرکو دبیتە ئەگەرێ وەستیانا لەشی و خوین کێم دگەھیتە زەڤلەکێن لەشی دگەل سەرێ مرۆڤی و مرۆڤ ھەست ب گێژبوونێ دکەت.
• یا ژ ھەمیێ باشتر ئەوە ئاڤێ و شلەمەنیان دگەل خوارنێ کێم بکەی و دناڤبەرا فتارێ و پاشیڤێ دا دەم بۆ دەمی ب کێماتی ڤەخوین.
• چ جاران بەقلاوێ و شریناھیان پشتی فتارێ نەخۆ، ل شوونا وان فێقی بھێتە خوارن.
• ھندەک ھەنە ھەر ژ فتارێ و ھەتا دبیتە دەمێ پاشیڤێ بەردەوام خوارنێ دخون، ئەڤە رەفتارەکا خەلەتە و خۆ ژێ دوور بکەین.
رێڤەچوونا پشتی فتارێ دێ ھاریکاریا لەشی کەت بۆ ھەرسکرنا خوارنێ و چالاککرنا لەشی و دێ بیتە رێگر کو مرۆڤ ژ قەبزبوونێ بھێتە پاراستن.