90% مهسیحیێن تلكێفێ چووینه دهرڤهی وهلاتی
دهۆك، لهزگین جوقی
سهرۆكێ لیستا رافیدین ل جڤاتا پارێزگهها دهۆكێ دیار كر:” مهسیحیێن سهر ب مووسلێ ڤه ژبهر خرابیا رهوشا دهڤهرێن مهسیحیان چووینه دهرڤهی وهلاتی و خهلكی باوهری ب رهوشا تهناهی نینه، ب رێژا 80% ههتا 90% مهسیحیێن تلكێفێ كۆچبهربووینه و یێن چووینه دهرڤهی وهلاتی”.
لینوس عودیشو، سهرۆكێ لیستا رافیدین ل جڤاتا پارێزگهها دهۆكێ بۆ رۆژناما ئهڤرۆ دیار كر، “ل سالا 2014ێ ژبهر هێرشا تیرۆرستێن داعش بۆ سهر مووسل و بهرتلله و تلكێفێ و حهمدانیه پتر ژ 9 هزار خێزانان مهسیحی ئاوارهیی ههرێما كوردستانێ بوون و قهستا پارێزگهها دهۆكێ كرن، هندهك خێزان ژی چووینه ههولێر و هندهك ژی چووینه بهغدا دبن كهرهڤانان ڤه، ههتا نوكه مهسیحیێن ئاواره ل بهغدا ماینه، ئهو ژی خهلكێ تلكێفێ و بهرتلله و حهمدانیه نه”.
ئاشكهرا كر : پتریا مهسیحیێن سهر ب مووسلێ ڤه چووینه دهرڤهی وهلاتی و ژبهر خرابیا رهوشا دهڤهرێن مهسیحیان خهلكی باوهری ب رهوشا تهناهیێ نینه، ل قهرهقوش و دهڤهرێن سهر ڤه ژی هێشتا مهسیحی ماینه ههموویان نهشیایه ڤهگهرنه سهر مالێن خۆ، ئهم دشێین بێژین 80% ههتا 90% مهسیحیێن تلكێفێ كۆچبهربووینه و یێن چووینه دهرڤهی وهلاتی، ئهگهر ژی ڤهدگهرن بۆ وێ چهندێ ئهو كهسێن ل سالا 2014ێ بووینه تیرۆرستێن داعش و ههڤكار و پشتهڤانێن تیرۆرستێن داعش یێن زڤرینه سهر جهێن خۆ و جارهكا دی خهلكێ باوهری ب وان نینه، ههروهسا ژی رهوشا تهناهیێ یا باش نینه”.
ئاماژه دا وێ چهندێ ژی كو: “خهلكێ تلكێفێ ههموو مهسیحی بوون، نوكه ههموو كۆچبهر بووینه، ب هزارهها مهسیحیێن تلكێفێ یێن چووینه ئهمریكا و گهلهكان ژی خانی و مولكێ خوه ل تلكێفێ فرۆتینه، ل ساله 2014ێ تیرۆرستێن داعش گهلهك زیانێن مادی گههاندینه مهسیحیان، ههتا نوكه خهلكێ زهرهرمهند نههاتینه قهرهبووكرن “.
ئهندامێ جڤاتا پارێزگهها دهۆكێ ئهو ژی خویا كر: “نه ب تنێ ل تلكێفێ، بهلكو ل حهمدانیه و قهرهقوش و بهرتلله ژی گهلهك مهسیحی چووینه دهرڤهی وهلاتی، ئهو مهسیحیێن ل سالا 2014ێ ئاوارهیی ههرێما كوردستانێ بووین نوكه دناڤ كهمپان دا نهماینه ئهوێن ماین ژی خانی بۆ خۆ ب كرێ كرینه”.
لینوس عودیشو گۆت ژی: ل سالا 2014ێ بهری تیرۆرستێن داعش دهڤهرێن مهسیحیان داگیر بكهن، ل وی دهمی پرۆژهك هاتبوو رهوانهكرن بۆ حۆكمهتا عیراقَی كو دهڤهرێن مهسیحیان ل دهشتا نهینهوا ببنه پارێزگهه، دا كو باشتر خزمهتا خهلكێ وان دهڤهران بهێته كرن كو گهلهك ئێزدی ژی ل دهشتا نهینهوا ههنه بریار هاتبوو دان پارێزگهه بهێته چێكرن و ههتا نوكه ئهڤ بابهته ههلاویستی مایه”.
تهكهست كر، ههكه پارێزگهههك ل دهشتا نهینهوا بهێته چێكرن، دێ خهلكێ مهسیحی و ئێزدی وشهبهك پتر شێن پاراستنا خۆ كهن ژلایێ ئهمنی و ئابووری ژی بۆ خهلكی باشتره، دێ خهلك ئیدارا خۆ كهن و دێ پاراستنا پارێزگهها خۆ كهن، ئهڤ پرۆژه مایه ههلاویستی، هێشتا بجهـ نههاتیه، ئهم دخوازین دهشتا نهینهوا ببیته پارێزگهه و بهردهوام كار ل سهر یێ دهێته كرن و حۆكمهتا عیراقێ پێدڤیه پرۆژهیی بجهبینیت”.
لینوس عودیشو، ئهو ژی راگههاند: پێدڤی بوو ل سالا 2014ێ پێرابوونێن كارگێری دهست پێ بكهن بۆ چێكرنا پارێزگهههكێ ل دهشتا نهینهوا، لێ ههتا نوكه تشتهكێ نوو دیار نینه، ئهڤه چهند سال ب سهر بریارا پارێزگههبوونهكێ ل دهشتا نهینهوا ڤه چوون و پێدڤی بوو سهرژمێریهك بهێته كرن و پێرابوونێن كارگێری دهست پێ بكهن، لێ چو پێنگاڤ نههاتینه هاڤێتن”.
