90% ژ پاچەیێن وی ب رێکا دلیڤەری دهێنە فرۆشتن
شاكر ئەتروشی:
پاچەفرۆشەكێ دهۆكێ، د دیدارەكێ دا بۆ رۆژناما ئەڤرۆ گۆت: ئەو پاچەیێن نوكە ل دهۆكێ دهێنە چێكرن گەلەك خۆشتر و پاقژترن ژ یێن ل مووسل و هندەك پارێزگەهێن دی یێن عیراقێ دهێنە چێكرن و نوكە رۆژانە پاچێن دهۆكێ بۆ مووسل و هەولێر و زاخۆ و گەلەك جهێن دی یێن هەرێمێ و ئیراقێ دهێنە هنارتن، چنكو دبێ هەڤڕكن.
هۆستا (تۆخیب ئامێدی) كو پتر چل سالانە ئەڤە پیشەیە دناڤ مالا واندا هەی و بابێ وی خودێ ژێ رازی (عەبدولعەزیز) ژ كەسێن ئێكێ بوو پاچە ل ئامێدیێ چێكرین بۆ رۆژناما ئەڤرۆ گۆت: ئەڤە دو سالن ئەز ل دهۆكێ ڤی كاری دكەم و پاچێن مە هەموو یێن بەرخی نە، نوكە بەس ل وەرزێ زڤستانێ، بەلكو ل هاڤینێ ژی داخوازی ل سەر خوارنا وان هەیە و نوكە رۆژانە ب رێژا 90% ب رێكا دلیڤەری ئەم بۆ مالان فرێدكەین و وەكی مە گۆتی نە بەس بۆ دهۆكێ بەلكو ل دەوروبەرێن دهۆكێ و مووسل و شێلادزێ و ئامێدیێ ژی ئەم بۆ فرێدكەین و هیڤیا مە ئەوە ل دەمێ بهێت ئەم بشیێن تایێن خوە ل هندەك باژێرێن دی ژی ڤەكەین و درۆشمێ مە وەكو هەرجار پاقژی و هەر پاقژی یە.
