900 پارچەیێن ئەردی ل شێخانێ دێ هێنە بەلاڤكرن
شێخان، بارزان مزووری:
سەرۆكێ باژێرڤانیا شێخان بۆ رۆژناما ئەڤرۆ دیار كر، پشتی بڕیارا سەرۆكێ حكومەتا هەرێما كوردستانێ بۆ بەلاڤكرنا پارچەیێن ئەردی، سەرۆكاتیا باژێرڤانیا شێخان ب هەڤكاری ل گەل جهێن پەیوەندیدار هەموو رێكارێن یاسایی ب دووماهی ئیناینە و نەخشەیێ نوو یێ پارچەیێن ئەردی هاتیە پەسەندكرن، كو ژ 900 پارچەیێن ئەردی پێك دهێت.
ئەندازیار خالد نەرمۆ گۆت: «ئەو جهێ هاتیە دەستنیشانكرن، بۆ بەلاڤكرنا پارچەیێن ئەردی ل سەر فەرمانبەران و توێژێن دی، د كەڤیتە باكوورێ سەنتەرێ باژێڕێ شێخان و جهەكێ گەلەكێ باشە، نەخشە ژی هاتیە پەسەندكرن، هەموو تشت دبەرهەڤن، ب تنێ بڕیارا سەرۆكاتیا جڤاتا وەزیران یا مای».
گۆتژی: «ناڤ دێ چنە جڤاتا وەزیران، پشتی بۆ مە دهێنە هنارتن، ئێكسەر ئەم ب رێكا لژنەكا تایبەت، دێ دەست ب بەلاڤكرنا پارچەیێن ئەردی كەین».
