94 فلم دێ د گه‌ڕا 8 ێ یا فلمه فیسته‌ڤالا دهۆك یا نێڤده‌وله‌تی دا هێنه نیشادان
ئه‌ڤرۆ، رێوار محه‌مه‌د ره‌شید:
حه‌سه‌ن عارف، به‌رپرسێ پشكا راگه‌هاندنێ ل گه‌ڕا 8 ێ یا فلمه فیسته‌ڤالا دهۆك یا نێڤده‌وله‌تی بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو 94 فلم دێ د گه‌ڕا 8 ێ یا فلمه فیسته‌ڤالا دهۆك یا نێڤده‌وله‌تی دا هێنه نیشادان ژ وان 45 فلمێن كوردی نه و 49 فلمێن بیانی نه كو ژ پتری 25 وه‌لاتان د پشكدارن.
ناڤهاتی ئاماژه دا وێ چه‌ندێ كو گه‌ڕا 8 ێ یا فلمه فیسته‌ڤالا دهۆك یا نێڤده‌وله‌تی دێ بۆ هه‌می ده‌زگه‌هێن راگه‌هاندنێ یا ڤه‌كری بیت و وان چو سپۆنسه‌رێن میدیایی نابن و گۆت: “مه دڤێت هه‌می ده‌زگه‌هێن راگه‌هاندنێ یێن كوردستانێ فلمه فیسته‌ڤالا دهۆك یا نێڤده‌وله‌تی ب مولكێ خوه بزانن و ب شێوه‌یه‌كێ گه‌له‌ك باش ئه‌ڤێ چالاكیا مه‌زن نیشا هه‌می جیهانێ بده‌ن”.
