95% پڕۆژەیێ پاركا سەرهلـدان هاتیە بجهئینان
بۆ دووڤچوونا قووناغێن دوماهیێ یێن بجهئینانا پڕۆژەیێ پاركا سەرهلدان، د. عەلی تەتەر، پارێزگارێ دهۆكێ ل رۆژا 13/7/2025 سەرا پاركا ناڤبری ل تاخێن بەڕۆشكێ و سەرهلدان ل باژێرێ دهۆكێ دا و ژ لایێ ئەندازیارێن سەرپەرشت پێشوازی لێ هاتە كرن.
پارێزگارێ دهۆكێ گەڕیانەك د ناڤ پشكێن پڕۆژەی دا كر و ژ نێزیك سەحكرە قووناغێن دوماهیێ یێن بجهئینانێ و دەستخۆشی ل تیمێن كاری كر و دوپات كر كو دڤێت پڕۆژەیێ پاركا سەرهلدان ل دووڤ پیڤەرێن ئەندازیاری و شارستانی و دەمێ خۆ یێ دەست نیشانكری دا بهێتە بجهئینان و ب زووترین دەم ب كەڤیتە د خزمەتا خەلكێ باژێرێ دهۆكێ دا.
هەژی گۆتنێ یە، پاركا سەرهلدان ل سەر رووبەرێ 48 دۆنەمێن ئەردی دهێتە دورستكرن و دكەڤیتە رۆژهەلاتێ دهۆكێ و ژ باخچە و نافۆرە و جهێن بێهنڤەدانان و یاریێن زارۆكان و جهێن هاتنوچوونێ و خوارنگەه و كوشك و شانۆیا رۆمانی و گەلەك پێدڤیێن دی پێك دهێت و دێ روویەكێ جوان و شارستانی دەتە باژێرێ دهۆكێ، هەتا نوكە 95% هاتیە بجهئینان.
