97 هزار تەنێن گەنمی ل سایلۆیا شێخان دێ هێنە وەرگرتن
رێڤەبەریا گشتیا چاندنێ ل پارێزگەها دهۆكێ دیار كر، دەرگەهێ سایلۆیا شێخان بۆ وەرگرتنا گەنمێ جۆتیارێن هەرسێ دەڤەرداریێن شێخان، ئاكرێ و بەردەڕەشێ هاتیە ڤەكرن و رێژەیا وەرگرتنا گەنمی بو ئەڤ سالە یێ هەرسێ دەڤەرداریێن ناڤهاتی 97 هەزار تەنێن گەنمینە.
ئەحمەد جەمیل، رێڤەبەرێ گشتیێ چاندنێ ل پارێزگەها دهۆكێ ب مەرەما دووڤچوونا پرۆسا وەرگرتنا گەنمێ جۆتیاران و ئاگەهداربوون ل سەر گلە و گازندەیان، دیسا گوهداریا جۆتیاران كر و ئاگەهداری ئاریشە و گرفتێن وان و سایلۆیان بوو و گۆت: «هەمی بزاڤ دهێنەدان ئاریشە بهێنە چارەسەركرن و پرۆسا وەرگرتنا گەنمی ب باشترین شیوە ب ڕێڤە بچیت، دڤێت ئاسانكری بهێنە كرن و ب باشترین شێوە ئەڤ پرۆسە بهێتە ب ریڤەبرن و سرا ترۆمبێلان ژی بهێتە رێكخستن».
