هەڤپەیمانیا مالکی بۆ هەلبژارتنێن داهاتی هاتە ئاشکراکرن
ئەڤرۆ نیۆز ، زنار تۆڤی:
وەکو دیار هەڤپەیمانیا نوری مالکی بۆ هەلبژارتنێن 2018 یێن عێراقێ هاتە ئاشکرا کرن کو ژ ٧ لایێن سیاسی پێکهاتیە و ئەو هەڤپەیمانیە ب سەرۆکاتیا نوری مالکی ب خۆیە.
هەڤپەیمانیا نوری مالکی کو ناڤێ وێ دولەتا یاسایە ژ حزبێن ( دەعوە، دوعات ئیسلام، بزاڤا نور، تەڤگەرا وەسەت،بزاڤا بەشائیر شەبابی، لیستا مەعەل قانون، حزبا مەدەنی، تەڤگەرا سەقافی وەتەنی پێکهاتیە.
ئەڤە ژى ددەمەکێدایە،کو د ماوێ چەند رۆژێن بوری دا، هندەک زانیاری ئاشکرابووینە کو ئاماژە ب وێ هندێ ددەن،کو حەیدەر عەبادی دانوستاندن ل گەل لایەکێ حەشدا شەعبی کریە ژبۆ کو پێکڤە ژ دەرڤەیێ لیستا دەولەتا یاسا لیستەکێ بۆ هەلبژاردنان پێک بینن.
هەروەسا هندی عەبادی ئەندامێ حزبا دەعوە بیت،نەشێت ژ دەرڤەی سیاسیەتا حزبا خوە لیستەکا سەربەخۆ دورست بکەت.
د هەمان دەمدا بریارە ل هەیڤا ئەیارا ئەڤ سالە، هەلبژارتنێن عێراقێ بۆ پەرلەمانی و جڤاتێن پارێزگەها بهێنە ئەنجامدان.
