گەلەک نەخوشی ژ زێدە خوارنا شەکرێ پەیدادبن
ل دووڤ وان ڤەکولینێن ھاتینە کرن دیاردبیت کو ھندی مرۆڤ پتر شەکرێ بخوت، دێ پتر تووشی قەلەویێ و نەخوشیا شەکرێ و نەخوشیێن دلی دبیت و ھەتا پەنجەشێر ژی ژێ پەیدادبیت و ھەروەسان کارتێکرنێ ل کوئەندامێ بەرگریا لەشی دکەت و ئەڤەژی دبیتە ئەگەر کو مرۆڤ پتر تووشی نەخوشیێن بەکتری و ڤایروسی ببیت.
نیشانێن پیربوونا زوو ژی پتر ل دەڤ وان کەسان دیاردبن یێن زێدە شەکرێ دخون و گوت: ئەگەر مرۆڤی زێدە شەکر مەزاخت دێ بیتە ئەگەرێ ھشکبوونا پیستی و ھەتا ھندەک جورێن شەکرێ دچنە دناڤ دەمارێن خوینێ دا و ھەتا کارتێکرنێ ل مەتاتیا پیستی ژی دکەت و ھندی شەکر دناڤ خوینێ دا زێدەببیت، ئەڤ زیانە ژی پتر لێ دھێن.
شەکر پتر ژ ھەر تشتەکی کارتێکرنێ ل کرمیبوونا ددانان دکەت، ئەگەر کەسەک ھەبیت باوەر نەکەت ژی بلا ددانەکی بکەتە دناڤ کوکا کولایێ دا و ب چاڤێن خو ببینیت کا دێ چ ب سەرێ ددانی ھێت.
