حوكمهتا ههرێمێ د ههلسهنگاندنهكا ستراتیژى دا
حوكمهتا ههرێمێ د ههلسهنگاندنهكا ستراتیژى دا
(وهبهرهینان)
رهمهزان نهسرهددین كێڤلى
وهبهرهینان ئێك ژ وان بابهتێن زۆر گرنكه یێ كو ههر حوكمهتهكا بڤێت ژ رویێ ئابوورى ڤه یا سهركهفتى بیت دڤێت گرنگیى بدهته وهبهرهینانێ چ ئهڤ وهبهرهینان یا ناڤخوه بیت یان دهرڤه بۆ هندێ ژیرخانا خوهیا ئابوورى ب هیزبێخیت. چونكو (بونیا جڤاكى) ل سهر بنهمایێ ژێرخانا ئابوورى و ژێرخانا مهعریفى دهێت داریشتن و گهلهك ژ بیرمهند ژێرخانا ئابوورى ب خالا سهرهكى دادنن وهكو كارل ماركس، بهلێ بهرامبهرى وێژى بیرمهند ههنه ل گهل بلندكرنا ژێرخانا مهعریفى نه و ئهڤ ههردو ژێرخانه ب ههڤرا دبنه شهنگستێ ئاڤاكرنا وهلاتهكێ ب هێز چ ژلایى ئابوورى ڤه یان سیاسى و لهشكرى و جڤاكى ڤه.
خالا مه دڤیت ئاماژێ پى بدهم ئهڤه حوكمهتا ههرێما كوردستانێ ل ههردو كابینێن بۆرى دا گرنگیهكا ئێكجارا مهزن دایه وهبهرهینان ههتا كو قانوونهكا تایبهت بۆ ڤى بابهتى ژ پهرلهمانى دهرئێخستى بهلێ دیسا ئهڤ بیاڤه یێ بێ كێموكورى نهبوویه و رهخنه ژى ل سهر ههنه تایبهت ژلایى شهرهرهزاین ئابوورى و گرنگیا وهبهرهینانێ ل كوردستانێ د چهند خالان دا بوویه ژ وان:
1ـ زێدهكرنا بهرههمى نافخوهیى و بلندكرنا داهاتێ نهتهوهیێ بهلێ ل سهر ڤێ خالێ كارێ پێدڤى نههاتیهكرن، لهورا ل ههر قهیران یان گوهۆرینهكا سیاسى ڤه كاریگهرى ل سهر داهاتێ نهتهوهیێ دكهفت.
2ـ پێشكێشكرنا پرۆژێن خزمهتگوزارى بۆ ههڤوهلاتیان.
3ـ بلندكرنا رێژا سهرمالى چ بۆ دهولهتێ یان بۆ تاكى ب رێیا وهبهرهینانێ.
4ـ ههبوونا دهلیڤێن كارى و كێمكرنا بهتالیێ.
5. مفا وهرگرتن ژ شیانین كۆمپانین دهرڤه تایبهت شیانێن هونهرى و تهكنیكى.
ل ڤێره ل سهر ئهڤان ههر پێنچ خالێن مه دیار كرین گهلهك تێبینى و بۆچوون ههنه ل سهر كار و ئهدائا حوكمهتا ههرێمى بهلێ ب گشتى ژى حوكمهتا ههرێمى تایبهت بهرى شهرێ دژى داعش شیایه حهتا رادهیهك باش مفایێ ژ وهبهرهینانێ وهربگریت، بهلێ چونكو ههلسهنگاندنهكا رژد و ئهكادیمى نهبوویه بۆ وان سهكتهرێن جودا جودا ههر زوى ئابوورى كوردستانێ كهته ل بن مهترسى دا، لهورا بۆ مه دیار دبیت ههر گوهۆرینهكا سیاسى دبیته هۆكارى یا ئابوورى و پێچهوانه ژى و دیسا هار كاریكهریهكا ئابوورى كاریكهریهكا سیاسى ژى ل دووڤ دا دهیت لهورا گرنگ بوو ژلایى وهبهرهنینان ڤه پتر ههلسهنگاندین ستراتیژى بۆ پرۆژین نهتهوهیى چ نهفت یان گشتوكوزار یان گشتوكال و زێدهكرنا كارگهه و پیتهدان ب بهرههمێ ناڤخوه هاتباكرن و مفا ژ سهربۆرا وهلاتێن پێشكهفتى هاتبا وهرگرتن.
یا پیدڤى بوو حوكمهتا ههرێما كوردستانێ ژ (ههرێمهكا ریعیى) بهر ب ههریمهكا پتر ژ بهرههمهك ههیى بچیت بۆ هندێ ههمى سهكتهرێن ئێكودو تهمام بكهن و ههڤسهنگى دورست بیت د گهشهیا ئابوورى و مهعریفى دا و بهرژوهندیێن ئابوورى دورست بكهت بۆ هندێ وهلاتێن دێ یێن بهێز ل كوردستانێ پێگهه و پرۆژه و چالاكێن ئابوورى ههبن.
هۆكارێن بووینه پشتهڤان بۆ گهشهیا وهبهرهینانێ:
1ـ سیاسهتا ئابوورى یا گونجایى ل كوردستانێ و تایبهت رهوشا ئیمناهیى پشتهڤان بوویه.
2ـ ژینگهها كوردستانێ چ ژینگهها سروشتى یان یا سیاسى و نهتهوهیى.
3ـ قانوون و ریسایێن كوردستانێ
لهورا پێدڤى یه ل قووناغا داهاتى ههمى ستراتیژیتهك بهێته داریشتن بۆ دوباره زڤراندنا وێ باوهریى بۆ وهبهرهنینهرێن بیانى و ناڤخوه كو بشێن ل كوردستانێ وهبهرهینانهك باش بكهن و ئهڤ چهنده ب پشتهڤانیا حوكمهتا ههرێمى دهێته ئهنجامدان و دیسا دبیته هۆكارهك بۆ نههلاینا زۆر كێشهێن ئابوورى ل كوردستانێ و بهلكو دبیته خالهك وهرچهرخان بۆ پێداچوونا و ئهنجامدانا چاكسازین ئابوورى و ل ڤێره پێدڤى یه ههمى حزب و لایهنین سیاسى پشتهڤانێن رۆلێ سهرۆكێ حوكمهتێ بن، چونكو زۆر ب هشیارى كار دكهت پێناڤ كوردستانهكا خودان ژێرخانهكا ب هێز.
