سێ چیرۆكێن سیاسى.. بۆ بهرى نڤستنێ ئایدن
عینایت دۆسكى
كهركووك/شنگار و چاوا هاتن دزین حهفت ملیار؟ مهتهلهكێ ههى دبێژیت (الرجل المناسب فی المكان المناسب) یان مرۆڤێ پێدڤى بۆ جهێ پێدڤى ب كێردئێت و ل ڤێره دێ بێژین ئهم كورد یێن خوه دخاپینین یان خوه خشیم دكهین، یانژى ئاڤ دبن مهدا چوو، ههمى پارتێن كوردى پێشوازى ل عادل عبدالمهدى كرن كو ببیته سهرۆك وهزیران و ههمیان گۆت ههڤالێ كوردایه یان د دۆزا كوردى دگههیت یان پهیوهندیێن وى ل گهل كوردان دباشن، بهلێ ژیوار تشتهكێ دى دبێژیت. مه گۆت 16 ئوكتوبهرێ عهبادى و ل گهل هندهك لایهنێن كورد پیلان ل كهركووكێ كرن و د گهل دا هندهك دهڤهرێن دى ژ دهستههلاتا كوردان دهركهفتن ل گهل گازێ و پلێن حكومى بهلێ نوكه: ئهم گوه لێ دبین 1600 پارچێن زهڤى یێن كوردى دانه حهشدا شهعبى و هۆزێن عهرهبان باشه ههڤالینیا عادل عهبدولمههدى هۆسایه؟! یان سهرۆك كۆمار ئهوێ پارچهك ژوێ روودانا 16 ئوكتۆبهرێ رووداى سویند بخودێ كربوو دا عیراق پارچه نهبیت و عهدالهتێ بێخیته ژیانا سیاسى ل كهركووكێ (پیرۆزبیت بۆ وى كهركووك چوو)، بهلێ دلێ وى مایه ب برایێَن مه یێن توركومان: هاى ههلبژارتنێن ئهلكترۆنى درهون و یێن دهستى سهختهیه و هاى ئهمین و دیرۆكا مه و كهلا كهركووكێ یا توركومانایه، بهلێ پرسیار ئهڤهیه توركومانێن شیعه خهونێن چویچكان ب خوهڤه دبینن چونكو باشۆرێ عیراقێ ههمى شیعێن عهرهب بوون حوكمهت ژى یا شیعێن عهرهبان بوو، بهلێ ئهم حالێ وان دبینین ئهڤه چیرۆكا كهركووكێ ب كورتى گهلى پارتێن كورد عهرهبكرن یا دوباره دبیت و حهتا ڤێ گاڤێ هوون نهبووینه ئێك: شنگال یا بوویه پارچهك ژ ئهمریكا لاتینى ڤه ههر لایهنهكى ئالایێ خوه ژ كوژیهكێ رادكهت حهشدا شهعبى ژ لایهكى پهكهكه ژ لایهكى مهفرهزێن ئێزدى خانێ ژ لایهكى ههرهۆسا كهس ژخهلكێ شنگالێ نهشێن ڤهگهرن 30 كهس یێن پهكهكه چهندین بهرپرسێن حكومى ێن پارێزگهها نهینهوا رێك لێگرتن و نههێلان ژ شنگالێ دهربازبن و تشتێ سهیر pdk ههر یێ ئافرهت و زارۆیێن برایێن مه یێن ئێزدى ژ دهستێن داعش دهردئێخین و دێ بینین هندهك ئێزدى یێ د سهردا چووین و نهرازیبوونا خوه یار دكهن پرسیار ئهڤهیه: گهلى پارتێن كورد كهنگى دێ ل شنگالێ زڤرن و ئاریشا وێ چارهكهن یان ژى دێ بیته قهندیلا دووێ؟ و ئهڤه ژى دێ ژ دهستێن مه چییت. چیرۆكا سیێ بهرى پێنج سالان حهفت ملیار و نیڤ دینارێن عیراقى ل سهر داڤا بهنكێ د ئاڤێ دا نقۆم بوون، ئهو ژى ئاڤا بارانێ بوو بهلێ راستیا وێ چییه د بهریكا هندهكان دا نقۆم بوون یان بهر ب سنۆرێن ههڤسویان دهربازبوون یان چ و بۆچى ڤى دهمى ئهڤ ئاریشه دیاربوو؟ ل ڤێرێ ئهو مهتهلۆكا موگۆتى بجههات (دزیكهرێ زیرهك ل جهێ دزیا قهلهو دیار دبیت) ئهڤ كوژمێ پارا دابانه فهقیر و ژارا ئێتیم و سێوى و بیژنان یان كۆژمهك ژ وان پارا بۆ ههرێمێ فرێگربان پێش بهر ههمێ گهنمێ جۆتیارا یان بۆ فهرمانبهر و مامۆستا چێتر نهبوو؟ ئهڤ ههرسێ چیرۆكه پێدڤیه یان ل پرتووكا الف لیله و لیله زێدهكهن یان بكهنه د ناڤ پرتووكا گینس یا نیڤدهولهتى. دووماهی: ئهڤه ژبلى پهرسیڤا بالندهیان و كۆخكا مهموونكا تایا مرنێ یا ماسیان ژى هاته سهر.
