پارێن عەبادی بڕی دێ ھێنە ڤەگەراندن
ھەولێر، قائید میرۆ:
نەوزاد ئەدھەم، رێڤەبەرێ گشتی یێ بازرگانی بۆ رۆژناما ئەڤرۆ گۆت” نیڤا پارێ سێ سالان یێ جوتیارێن ھەرێما کوردستانێ ژ لایێ حەیدەر عەبادی سەرۆک وەزیرێن بەرێ یێ عێراقێ ھاتبوو بڕین و پارێ جوتیارێن پارێزگەھێن ناڤین و باشوورێ عێراقێ وەک خوە ھاتینە بەلاڤکرن، ئەڤە ژی ئێکە ژ وان غەدرێن ل خەلکێ کوردستانێ ھاتیەکرن لسەردەمێ حەیدەر عەبادی و بەرۆڤاژی قانوون و دستوورێ عێراقێ یە.
نەوزاد ئەدھەم ئاماژە کر” بزاف ھاتینەکرن پارێ ھەر سێ سالان یێ جوتیارێن ھەرێما کوردستانێ بھێتە ھنارتن و وەزیرێ بازرگانی سۆز دایە ئەو دگەل سەرۆکایەتیا جڤاتا وەزیرێن عێراقێ دانوستاندنان بکەت و دگەل مەزاختنا پارێ جوتیارانە، چونکو ئەو بخوە ژی دزانین نە وەکھەڤیە پارێ ھەموو جوتیاران بێ بڕین بھێتە بەلاڤکرن و تنێ یێ چوار پارێزگەھێن ھەرێما کوردستانێ بھێتە بڕین، لەوڕا ئەم چاڤەڕێینە فەرمانەک ل سەرۆکایەتیا جڤاتا وەزیران دەربچیت و پارە بگەھیت.
