تیرۆر د فهرههنگا كوردهواریێ دا!
نورى محهمهد سالح بریفكانى
تیرۆر وهك كهڤنترین دیارده د دیرۆكا مرۆڤایهتیێ دا حهتا نوكه رهه و ریشالێن وێ دبهلاڤهنه ل تهڤایا جڤاكێن جیهانێ دا و قووناغ بۆ قووناغێ ب چهندین شێوازان دهێنه بكارئینان و گهشهكرن حهتا گههشتیه وى رادهى كو د ئهڤێ قووناغێ دا دبیته مهترسیترین دیارده و ههرهشه بۆ ئاسایشا نهتهوهیى و ئابوورى یا تهڤایا نهتهوێن جیهانێ ژبهركو مهزنترین زیانێن مرۆڤایهتى و ئابوورى ل دووڤ خوهدا دهێلیت و چ دهستههلات و حوكمهت نه شیاینه ئهڤێ مهترسیێ ب ئێكجارهكى ژناڤببهن ب تنێ شیاینه د هندهك بیاڤێن جودا دا تیرۆرێ و رێیێن گهشهكرنا وێ لاواز بكهن!
لێ ئهڤێ دیاردێ جهێ خوه د ناڤا فهرههنگا كوردهواریێ دا نهدیتى یه و یا دووره ژ ههموو رهوشتێن كوردهوارى و شۆرهشگێرانه یێن گهلێ كوردستانێ و چ دهمهكى نهڤیایه ب رێیێن تیرۆرێ و خۆكوشتنێ و پهقاندنێ مافێن خوه بدهستڤهبینن خوه ل گهل دوژمن و داگیركهرێن خاكا كوردستانێ ژى و ب درێژاهیا خهباتا چهكدارى یا رزگاریخوازا گهلێ كوردستانێ نه كورد وهك نهتهوه و نه شۆرهشێن كوردستانێ ئهڤ دیاردا نهرهوا ب كارنهئینایه بۆ گههشتن ب ماف و ئارمانجێن خوه وهك گهلهك دهسههلاتێن جیهانێ ب گشتى و دهستههلاتدارێن عهرهب ب تایبهتى كو ب رێیا تیرۆرێ و ترس و كوشتنێ گههشتینه لۆتكا دهستههلاتێ و حهتا نوكه ژى دبهردهوامن و هندهك ژ وان دهسههلاتێن ب تیرۆرێ دروست بووین ب ههمان تیرۆر هاتنه ژناڤبرن ل ژێر ههر ناڤهكێ بیت!
گهلێ كورد ب شێوهیهكێ گشتى و شۆرهش و سهركردێن وێ مهزنترین قوربانى دهرێن ئهڤێ دیاردێ بووینه ب تایبهتى لدهمێ خهباتا چهكدارى كو د نهرینا داگیركهرى دا دهێته هژمارتن ب قووناغهكا نه قانوونى و دشیان دابوو ل ههر دهمهكى و جههكى كریارهكا تیرۆرى ئهنجامبدهن، بهلێ هزر د هندێ دا نه كریه كو كهسانێن سڤیل و بێ چهك ببنه قوربانى ئارمانجا وان یا رهوا و ب ڤێ چهندێ بهرپهرێن شۆرهش و خهباتا چهكدارى حهتا گههشتیه سهرهلدانا پیرۆز ب پاك و خاوێنى هاتینه تۆماركرن ب خوینا قههرهمانین گهلێ كورد كو هاتنه نهچاركرن ب خوینا خوه داستانین مێژوویى و سهروهریین گهلێ كوردستانێ تۆماربكهن ژبهركو رژێمێن داگیركهر چ دهلیڤین دیالۆگ و گفتوگۆیێ بۆ وان نه ڤهكرن و رازى نهبوون ب رێیێن ئاشتیانه مافێن گهلێ كورد بدهن.
