نوونەرا کوردستانێ ئەڤرۆ د ئەرکەکێ زەحمەت دا
ئەڤرۆ نیوز:
چاڤەرێ دھێتەکرن ئەڤرۆ ل دەمژمێر ٢:٣٠ پشتی نیڤرۆ نوونەرا ھەرێما کوردستانێ یانا ھەولێر یاریەکا ب زەحمەت ھەمبەری یانا کەرخ ل یاریگەھا کەرخ ل باژێرێ بەغدا ئەنجام بدەت ژ چارچوڤێ یاریێن گەرا ١٦ ژ خۆلا پلا نایابا عیراقێ .
یانا ھەولێر بوو ڤێ یاری ھەموو بزاڤا کەن ب سەرپەرشتیا راھێنەرێ خوە نازم شاکر ب ئەنجامەکێ باش ڤەگەریت ھەر چو نەبیت دەست ڤالا نە ڤەگەریت ژبەرکو ئەرکێ ئەوێ دڤێ حەفتیێ دا یێ ب سانەھی نینە دێ یاری بەرامبەر خودانا رێزا دوێ یانا کەرخ کەت ئەوا ل وەرزێ ئەڤ سالە ب کومەکا یاریزانێن گەنچ شیا ئاستەکێ بلند پێشکێش بکەت و ھەڤرکیێ یانێن مەزن ل عیراقێ دکەت بوو رێزێن پێشیێ.
ھەردو یانێن ھەولێر و کەرخ بەری نوکە ١١ یاری د مێژویا خولا عیراقێ دا ھەمبەری ئێک کرینە کو زوربەیا ئەوان ب وەکھەڤی ب دووماھیی ھاتی یە ئەوژی ٩ یاریان دا وەکھەڤبووینە بەرامبەر دو سەرکەفتن بوو یانا ھەولێر و سەرکەفتنەک بوو کەرخ.
ھەژی گوتنێ یە نوکە یانا کەرخ ل رێزا دوێ دھێت ب ٣٣ حالان و یانا ھەولێر ل رێزا نەھێ دھێت ب ١٩ خالان.
