تشتهك ب شنگالێ هاتیه؟!
تشتهك ب شنگالێ هاتیه؟!
“تشتهك ب شنگالێ نههاتیه، لێ تشتهك ب مه هاتیه.”
ئدریس هسۆ/ گهویلان
د ڤان ڕۆژێ داوی ده گهلهكی بهحسا وێ ئێكێ تێ كرن كو دهولهتا تیرۆرستێن چهكدارێن دهولهتا ئیسلامی ل ئیراق و شامێ (داش) بداوی هات و ب تهنێ چهند ڕۆژن وێ ئهڤ نووچه بێ ڕاگههاندن، جیهان چاڤێ وێ ل نووچهیهك وهسایه.
هێزێن سووریهیا دهمۆكراتیك (هسد) و هێزێن ههڤپهیمانیا ناڤدهولهتی چهكدارێن داشێ ل گوندهوارێ دێرا زۆرێ ل سووریێ ل گوندێ باخۆز دۆرپێچ كرنه و كهریدۆرێن مرۆڤی ژ بۆ خهلكێن سڤیل و یێن دخوازن ژ دهڤهرێ هلێن دهركهڤن ڤهكرنه.
ب ههزاران چهكدار، ژنێن داشیان و زارۆیێن وان دهست هلدایی ژۆر خوه ڕادهستی هێزێن ناڤبۆری دكن و ب بارهلگرێن گوهاستنا مهر و بزنان ژ بۆ كامپان دئێنه ڤهگوههستن.
د ئهنجام ده ڕۆژانه نووچه دهربارێ زارۆك و ژنێن كوردێن ئێزدی كو هێشتا د دهستێ داشێ ده دیل مانه و ژنووڤه دئێنه ڕزگاركرن بهلاڤدبن.
د كورته ڤیدیۆیهكێ ده تێ ڕاگههاندن كو 11 زارۆیێن كوردێن ئێزدی كو ل سهر دهستێ ههسدێ هاتنه ڕزگاركرن، دهما كو ڕۆژنامهڤان چهند پرسان ژ وان زارۆیان دكه، یهك ژ وان دبێژه ما تشتهك ب شنگالێ هاتیه؟! دهنگێ ژنهكێ تێ كو ژ وان ڕه دبێژه: نا تشتهك ب شنگالێ نههاتیه و ههموو ل هێڤیا وه نه..
ئهرێ كوڕێ من تشتهك ب شنگالێ نههاتیه، لێ تشتێ بوویه ب سهرێ شنگالیان ڤه هاتیه، شنگال ل جهێ خوه یه، شنگال وێران ئه، خانی، مال، گوند و گوندهوارێن شنگالێ وێران و خابوورن كورێ من.
لێ ئهز ژ تهره دبێژم شنگال سلامهتی یه، نووئاڤاكرنا خانی، شهقام و بازاران زۆر ژێ ڕه ناڤێ، بهری نها دهۆك، سلێمانی و ههولێر ژی وێران و خابوور ببوون. د چهند مههان ده هۆستایێن شنگالی كارن باژارهكی نوو ئاڤابكن. خهما ڤێ نهخوه كوڕێ من!.
لێ تشتێ ب سهرێ خهلكێ شنگالێ ڤه هاتیه، گوهۆرینا د بیروباوریا شنگالیان ده بوویه، كارهسهتا مهزن كو سێ ههزار ژن و زارۆیێن مه یێن مایی د دهستێ داشێ ده، و ڤا دهولهتا تیرۆریستێن داعشێ تێ ڕۆخاندن ژی و هین چارهنڤیسا ب ههزاران ژ وان نه دیاره؟
تشتێ بوویه كوڕێ من كو پشتی ڕزگاركرنا شنگالێ ژ بهر بهرژهوهندیێن سیاسی و بازارا ل سهر سهره ئێزدیان، هینا ئێزدیێن شنگالێ نكارن ڤهگهرێن سهر ئاخا خوه. تشتێ بوویی كورێ من كو پشكهك ژ ئێزدیان ژی ب خوه تێده پشكداربوون كو پشتی ب هزاران قوربانی و پشتی ب ههزاران شههید و دیل شنگال جارهكه دن ژ همبێزا كوردستانێ هاتیه دووركرن.
تشتێ بوویه و گهلهك مهزنه كورێ من ئهو ئه كو ههژمارهك خهلكێن ئێزدی د وێ باوهریێ ده نه كو ئهو ل دهرڤی كوردستانێ دێ كاربن خوهدی ڕوومهتهك باشتر بن، ئهو دێ خوهدی ئازادیهك باشتر بن، تشتێ ههری خراب ژی كو دبه كوڕێ من ئهو ئه كو ئێزدی خوه ب نهتهوهیهك دن نه كورد حهساب دكن.
ئهرێ كوڕێ ئێزدیخان و كوردستانێ، تشتهك ب سهرێ شنگالێ نههاتیه، لێ تشتێ ههری مهزن ب سهرێ مه و شنگالیان ڤه هاتیه.
