ل ده‌ڤه‌رێن رزگاركرى دێ گه‌له‌ك ئاریشه په‌یدا بن
د.وه‌عدی سلێمان عه‌لی بسپور د یاسا گشتی دا و ماموستایێ كولیژا یاسا ل زانكویا دهۆك بو ئه‌ڤرۆ نیوز راگه‌هاند:ل ده‌ڤه‌رێن رزگاركری زور ئاریشه دێ هێنه مه‌یدانێ ژلایێ وه‌لاتیێن ده‌ڤه‌رێ ڤه و ئه‌گه‌ر ب رێكا یاسایێ نه‌هێنه چاره‌سه‌ر كرن دێ به‌ره‌ڤ ئه‌نجامێن خراب چن و ئه‌و كه‌سێن ده‌ست ل گه‌ل داعش هه‌ی و پێرابونێن یاسایی ل گه‌ل بهێنه‌كرن چ ب یاسایا به‌رهه‌نگاربونا تیرۆرێ یان یاسایا سزادانا عیراقی .
ماموستایێ یاسایا گشتی دیاركر دڤێرێ دا ئه‌ركێ گران دكه‌ڤیته سه‌ر ملێن داواكارێ گشتی و رۆلێ خو ب بینیت، ب بلندكرنا ئاریشه‌یێن گشتی ل دژی كه‌سێن ده‌ستێن وان ب خوین و تاوانێ دا هه‌ی و ره‌نگ دڤێرێ دا سه‌دا سه‌د دادپه‌روه‌ری ژی په‌یدا نه‌بیت به‌س دێ بیته بنامه‌یه‌كێ گرنگ بو هه‌مو ده‌ڤه‌ران .
د.وه‌عدی دا دازانین چه‌وانیا سكالا بلندكرنێ و ده‌ست نیشانكرنا جورێ تاوانێ و توماركرنا وان ئاریشه‌یه‌كه بخو دێ چه‌وا هێته‌كرن و چه‌وانیا ده‌سته‌سه‌ركرنێ و نه‌بونا به‌لگه‌یێن پێدڤی ل سه‌ر كه‌سان و كومكرن و دوڤچونا به‌لگه‌یان و ره‌وانه‌كرن بو دادگه‌هێ ب وێ هژمارا زورا كه‌سان ئه‌ڤه چ جهێ وان دادگه‌هێ و ڤه‌حه‌واندنا وان ل زیندانان ناكه‌ت و بارگرانی ل سه‌ر دادگه‌هێ په‌یدابن .
