تێهنا ههژاران ب لێكڤهكرنا پۆستان ناشكێت!
شهوكهت ئامێدی/سوید
نه ب دههۆلهكا دڕیای دیلان ل بهر دئێتهكرن، نه ب چێرۆكێن هنگڤینی دهڤ شرین دبن، نه ب عهڤرێن بێ باران تێهنا خهلكهكی دشكێت! جۆتیارهكێ ههژار خهما وی ئهو نینه ڕهنگێ كێتكا وی چ ڕهنگ بن. ئهو كێتكهكێ دخوازیت بۆ زهرتر نێچیرا مشك و ماران بكهت!
پارت و دهسههلاتێن زۆربهی جیهانێ. پێكئینانا دهسههلاتێ پشتی دهنگدانان، ژ بۆ پهسندكرنا بۆدجهیا سالانه و پێشكێشكرنا پرۆژه و خزمهتگوزاریان، پێكئینانا دهسههلاتێ پێچهك ب پاشڤه دچیت. ئهڤ پارتێن ههرێما كوردستانێ، یا بهروڤاژی كار دكهت: د ڤان بیست و ههشت سالێن چوویی. خهلكهكی هندێ ب چاڤێن خوه دیتین، ئهگهر ژ ترسا نهیار و دوژمنان نهبا، نوكه ژ مێژه ژ وهك سودان و زڤستانا عهرهبی ب سهرێ مه هات با، ئهوێن سهرا پۆست و بله و باران شهرا دكهن و گهفێن نه ڕاستهخوه ل ئێك دكهن، ما باشتر نینه هوون ململانێ ل سهر ئهرزانیا نهفت و غازان بكهن؟، ل سهر ئاڤا پاقژ، كارهبا بهردهوام، خواندنهگههێن پێدڤی، خهستهخانێن بێ ئاریشه، ڕی و بانان، كونترۆلا بازاری، ئهرێ دروسته ئهم خودانێن گاز و غازان بین و نرخێن وان وهك گهرما شهڤ و ڕۆژان بلند و نزم دبن؟ دێ هۆسا باوهریێ د ڤنابهرا خوه و مللهتی دا دروست و توندكهن؟. بۆچی هوون د ڕاستگۆ نابن ل گهل خوه و مللهتی و بێژن ئهگهر ئهو نهبیت ئهوا مه دڤێت دێ تێكدهین، بهلێ ئهوێ ئهڤ نیازا ڕهشا نهشرین و دوور ژ ههمی بنهمایێن نهتهویی ههبن، ب ناڤێ ڕامیاریا شێلی و نهتهوهیی، ههمی كار د سروشتی نه! ئهڤرۆ نه سوباهی و ئهز بهرپرسێ پهیڤا خوهمه! ههرن ململانێ ل كهركووكێ بكهن. ئهڤه ب سهدان هزاران عهرب و توركومان لێ خۆجهـ كرن و كوردێن ژێ دڕهڤن. بهرێ خوه بدهنه ڕهوشا خانقینێ كا چ دهردهسهریه! داقوق، كفری، خومارتۆ.. همما ڕێخراوا بزاڤا گۆران. مادهم هوون وهسا د خێرا مللهت و نهتهویی دابان، باشه بۆچی بهری سێ سالان هوون نهشیان چهند دهمژمێران كۆمبوونان پهرلهمانی پاشپێخن دا چ كێشه دروست نهببانه، یان بانهك و دو ههوایه، ب بۆچوونا ههر كهسهكێ پێچهك بیر ل دیرۆكا پارتێن باشوور بكهت، ئهزێ بێ ئومێد نینم، لێ یا گرانه ئهڤ كهره بارێ مه بگههینیته ئاشی.
