باشتره گهندهلا دهستنیشان بكهین نه بهحس بكهین
وار محیهدین دۆسكی
مرۆڤ د رهسهنهتیا خوه دا ههلگرێ سالۆخهتێن باشه، بهلگهژی بكارئینانا كهرهستێن سروشتی و ڤهكۆلینێن زانستی و ئاشكراكرنا هێز و وزێن سوودبهخش ژ لایێ مرۆڤان ڤه ژبۆ خزمهتكرنا جڤاكێن مرۆڤایهتیێ تهنانهت ژبۆ خزمهتكرنا ژینگههـا جیهانا ئاژهلان ژی، باشترین بهلگهژی خودێ د قورئانا پیرۆز دا دفهرمۆت “مه مرۆڤ یێ ئافراندی ب باشترین شێواز”،
كهواته مرۆڤ د پێكهاتا خوه یا جهستهیی و عهقلی و لۆژیكی دا ههلگرێ سالۆخهتێن باشه.
پا بۆچی هندهك مرۆڤ دبنه درنده و خرابكاریێ و كاڤلكاریێ و تێكدانا سروشتێ جوان و گهشاوهیێ مرۆڤی تێكددهن؟
ئهم بهرسڤێ ژ كیستێ خوه نادهین، بهلكو دێ پهنایێ بۆ لۆژیكێ بهین، مرۆڤهكێ ل گوندان گهشهبووی رهفتار و روشهنبیریا وی یا جیاوازه ههمبهری مرۆڤهكێ ل باژێران گهشهبوویی، بهلێ ههكه ئهو مرۆڤێ ل گوندان گهشهبوویی بهێته د ناڤ ژیانا باژێری دا پشتی بۆرینا ماوهیهكی هێدی هێدی دێ سروشتێ وی هێته گوهۆرین بهر ب كهسایهتیا باژێری ڤه …. كهواته ژینگههـ و جڤاك مرۆڤی د گوهۆریت و كارتێكرنێ لێ دكهت.
ل گۆرهیی ڤی تێگههێ ل سهری ئهم دێ بابهتێ گهندهلیێ ئازرینین، كهواته جڤاك ئافراندهرێ گهندهلیێ یه، و ل وی دهمی گهندهلی گهشه دبیت دهمێ ژینگههـ بۆ دابین دبیت خوهش دبیت. مادهم جڤاك و ژینگههـ ئهگهرن واته جڤاك و ژینگههـ چارهسهرینه.
چاوا ؟ و ب چ میكانزم؟
گریمان … دڤێت ئهم وهك جڤاكێ كوردستانێ و ژ كوردستانێ ژی دهۆكێ و ژ دهۆكێ ژی قهزا و ژ قهزایان ژی ناحیه و ژ ناحیا ژی باژێرڤانی، تبلا خوه بۆ گهندهلان درێژ بكهین و دهستنیشان بكهین و وهسا رهفتاران ل گهل بكهین كو شهرم ژ خوه بكهت وهكی وی مرۆڤی دهمێ تووشی دههمهن پیسیهكێ دبیت، ژبهر شهرما جڤاكی و مالا خوه ژ وی جڤاكی باردكهت، یان ژی ب سهرشۆری دژیت و خوه دوور دكهت ژ ههمان شاشیا ئهنجامدایی.
بهلێ ههتاكو گهندهل ل سهرێ دیوانێن مهبن و دیمهنێن سێلڤیێن مهبن، گوپیتكا بلندیێ و شانازیا بنهمال و عهشیرهتێن مه بن و ئهو د سیار و ئهم ل پهیا سلاڤكرنا وان ئهركێ مهبیت. ئها ل وی دهمی دێ گهندهلی پیرۆزترین رێیا گههشتن ب ژیانهكا بهختهوهر و ئافراندنا بههشتا سهر دونیایێ و ئاڤاكرنا كهسایهتیا ب بها و دهرگههێ كۆچكا چارهسهریا ههموو ئێش و ئازار و دهردێن مهبن.
