خوله‌كا درۆستكرنا شیانان بۆ چالاكڤانێن رۆژئاڤا دهێته ئه‌نجامدان
ئه‌ڤرۆ نیوز، ناجی به‌ده‌ل:
تێلی موسا به‌رپرسێ رێكخراوا نوژین ل دهۆكێ بو ئه‌ڤرۆ نیوز دیاركر خوله‌كا 7 رۆژی بۆ چالاكڤانێن په‌نابه‌رین رۆژئاڤا ل هه‌رێمێ هاتیه ڤه‌كرن داكو بشێن دبیاڤێ كێم ئه‌ندامان دا كار بكه‌ن .
ناڤبری ئه‌و چه‌نده ژی دیاركر كو ئه‌و چالاكڤان شه‌ش گرۆپن ژ زاخو و سێمێلێ و دومیز ئیك و دومێز دو و وارسیتی و دهۆكێ دا و هه‌ر گرۆپه‌ك ژ 12 كه‌سان پێك دهێت كو فوكسا ره‌وشا په‌نابه‌رین رۆژئاڤایی بكه‌ن و خولا ئیكێ بو 26 كه‌سان هاتیه ڤه‌كرن و ئه‌و ژی هاتینه هه‌لبژارتن .
تێلی موسا گوت ژی د چارچوێ پرۆژه‌یه‌كێ سێ سالی دا رێكخراوا نوژین و كاپیتین ناشنال ل سه‌ر ئاستێ هه‌رێمایه‌تیێ كو ل ئوردنێ و لوبنانێ و كوردستانێ دهێته ئه‌نجامدان و ب ژڤانین دبیاڤێ كێم ئه‌ندامان دا هنده‌ك گرۆپ و كه‌سایه‌تیان درۆست بكه‌ین كو بشێن به‌ره‌ڤانیێ ژ ماف و ئیمتیازاتێن كێم ئه‌ندامان و هشیاریێ ل ناڤ جڤاكێ سوری ئه‌ڤێن نها په‌نابه‌ر ل هه‌رێمێ و ئه‌و بخو خزمه‌تا كێم ئه‌ندامێن خو بكه‌ن.
ناڤبری ئه‌و چه‌نده ژی دیاركر ل سالا 2013 ڤه‌كولینه‌ك ژلایێ رێكخراوا مه هات بو ئه‌نجام دان ل كه‌مپا دومیز كه‌سێن كێم ئه‌ندام ژ گه‌له‌ك پێدڤیێن ژیانێ بێ به‌هرن ژ پشت گرێدایی كه‌سێن رۆژئاڤا بن و ئارمانج ژ ڤی پرۆژه‌ی ئه‌وه ده‌ما ئه‌ڤێ خولێ ده‌ردكه‌ڤن كه‌سایه‌تیه‌كا باش و رێكخراوی هه‌بیت و بشێن رێكخراوا بو خوة دا بنن و كو چه‌وا كار بكه‌ن دبیاڤێ كارێن خێرخوازی.
