داڤۆس و دیتنه‌كا دى!
ئازاد گۆله‌یی/سۆیسرا
به‌ری حه‌فتیه‌كێ كوربه‌ندێ داڤۆس بدووماهی هات یا كو سالانه ل ئێك ژ باژێركێن جوانێن سۆیسرا ل ده‌ستپێكا سالێ دهێته گرێدان و بۆ ماوێ چار رۆژان ڤه‌دكێشیت و هه‌می جیهان به‌رێ خوه دده‌تێ كا دێ پشكدارێن وێ یێن كو هه‌می خودان پله و پاره و ده‌ستهه‌لاتن ل وه‌لاتێن خوه، ئه‌ڤ ساله ژیێ وێ كۆڕبه‌ندی یا كو كابرایه‌كێ ئه‌لمانی دامه‌زراندی دهێته هه‌ژمارتن ژ مه‌زنترین و بهێزترین كۆڕبه‌ند ل سه‌رانسه‌ری جیهانێ و ئارمانجێن وێ ل ده‌ستپێكا دامه‌زراندنا وێ ئه‌و بوو كا دێ چاوا ڤێ جیهانێ ژ پیساتیا ژینگه‌هێ و رزگاركرنا ملله‌تان ژ نه‌خۆشیان و هاریكاریا وه‌لاتێن هه‌ژار كه‌ت، لێ سال بۆ سالێ سیسته‌م و ئارمانج و هه‌ولێن ڤی كۆڕبه‌ندی بۆ رزگاركرنا خه‌لكی هاتنه گوهۆرین و شوینا جیهانێ به‌ر ب خۆشیێ و ته‌ناهیێ و ژیانه‌كا ئاسانه‌یا خۆش ببه‌ن، ئه‌ڤز كۆڕبه‌نده یێ بوویه جهه‌كێ كۆمبوونا وان سه‌ركرده و كۆمپانیێن كو ڤێ جیهانێ به‌ر ب وێرانیێ ڤه دبه‌ن هه‌روه‌كو سه‌رنڤیسه‌رێ كۆڤارا ب ناڤوده‌نگا ئه‌مریكی تایم ئه‌ناند گریدهارادس گۆتی كو داڤۆس وه‌كو كۆمبوونا خێزانی یه بۆ ئه‌ندامێن بووینه ئه‌گه‌رێن مالۆێرانكرن و خرابكرنا ره‌وشا وێ خێزانێ و مفلسیا وێ، گۆتنا وی ژی هه‌لبه‌ت یا د جهێ خوه‌دایه، چونكی ب راستی ژی كۆڕبه‌ندێ داڤۆس نوكه یێ بوویه ئێك ژ جهێن كۆمبوونا وان كه‌سانێن ئه‌ڤ جیهانه تێكدای!! ئه‌ڤ چه‌نده دێ بۆ مه دیار بیت ده‌مێ ناڤ و ئاست و به‌رپرساتیا وان كه‌سان دخوینین یێن كو سالانه پشكداریێ تێدا دكه‌ن، مینا خودانێن كۆمپانیێن كۆكاكولا و گۆگل و فه‌یسبۆك و ئه‌مازۆن و سه‌رۆكێ ئه‌مریكا و وه‌لاتێن زلهێز ئه‌وێن سالانه پاره‌كێ مه‌زن دده‌نه ڤی كۆڕبه‌ندی، داكو بۆدجێ وێ سالانه ژ پێنچ ملیاران نه‌هێته‌خار و ب خێرا سۆشیال میدیایێ و راگه‌هاندنا پاقژ ئه‌ڤرۆ نه دامه‌زرێنه‌رێ كۆڕبه‌ندی یێ ئه‌لمانی و نه پشكدارێن وێ دشێن ئینكارا هندێ بكه‌ن كو زۆربه‌ی وان پاره‌كێ زه‌به‌لاح دده‌نه وی كۆڕبه‌ندی داكو یێ به‌رده‌وام بیت! باشه بۆچى؟ كێ دیتیه یان خواندیه كو پشتی ئێك ژ ڤان كۆڕبه‌ندێن ئه‌ڤه پێنچی ساله دهێنه‌گرێدان ئاریشه‌ك ل جیهانێ چاره‌سه‌ر كربیت؟ كی دزانیت كا بۆچی سه‌رۆك و رێبه‌ر و وه‌زیرێن وه‌لاتێن هه‌ژار بۆچی نه‌شێن پشكداریێ د ڤی كۆربه‌ندی دا بكه‌ن؟ به‌رسڤ، چونكی وان پارێ پشكداریێ تێدا نینه و گه‌ر هه‌بیت ژی و بچنه داڤۆس و ژبلی هندێ كو نه‌شێن هه‌ر شه‌ڤ پێنچ سه‌د فره‌نكێن سۆیسری بده‌ن بۆ نفستنێ ل هۆتێلێن داڤۆس وه‌ه‌كو چاوا ژی كه‌س پویته پێ ناكه‌ت، چونكی پیته هه‌می ل داڤۆس ب خودانێن پاران دهێته‌دان نه‌ك سه‌رۆكێن ئه‌فریقی و ملله‌تێن وان یێن هه‌ژار!! ئه‌ز به‌حسێ ژماران ناكه‌م و كا هه‌ر پشكداره‌كێ ڤی كۆڕبه‌ندی سالانه چه‌ندێ دده‌تێ و یێ بڤێت ببیته مێهڤان لێ چه‌ندێ دده‌ت؟! باره‌گایێ سه‌ره‌كیێ ڤی كۆربه‌ندی یێ ل باژێرێ من جنێف و ئه‌ز دزانم كا چ جۆره گه‌نده‌لی یا بوویه خیچا ڤی كۆڕبه‌ندی و باره‌گایێ وی یێ سه‌ره‌كی چه‌ندێ پاراستیه و ب تایبه‌ت بۆ رۆژنامه‌ڤانان ئه‌وێن ئه‌ڤ كۆڕبه‌نده حسابه‌كا مه‌زن بۆ دكه‌ت و ناهێلن ئێك ژ وان سه‌ره‌دانان باره‌گایێ وان ل جنێف بكه‌ن یان چڤفپێكه‌فتنان دگه‌ل سه‌رۆك و كارمه‌ندێن وێ بكه‌ن، بۆچى؟ چونكی كۆڕبه‌ندێ وان زۆر نهێنی یێن هه‌ین و بۆچى ده‌زگه‌هێن راگه‌هاندنێ ل هه‌می جیهانێ نینه بچنه د ناڤدا و پسیارا ژێ بكه‌ن چونكی سه‌رۆك و فه‌رمانبه‌ر و كارمه‌ندێن وێ ژی دزانن كو یا پره ژ گه‌نده‌لیێ و پاره‌دزینێ و كۆڕبه‌ندێ وێ تنێ كۆمبوونه‌كا وان كه‌سانه‌یێن دبنه ئه‌گه‌رێن مفلسیا ڤێ جیهانێ یه وه‌كو به‌رێز ئه‌ناندی نڤیسی و ئه‌ز دێ تنێ په‌یڤا كوردی یا ب ناڤوده‌نگ لێ زێده‌كه‌م یاكو دبێژینێ گه‌نده‌لی.. به‌لێ، گه‌نده‌لی..داڤۆس كۆڕبه‌نده‌كه بۆ وان ئه‌ندامان دهێته رێخستن بۆ وان كه‌سێن سالانه ب ملیۆنه‌ها فره‌نكێن سۆیسری بۆ به‌ردده‌ن (ب كۆلانكی بلا بیت) ئه‌وێن وه‌لاتێن وان ب هێز و جیهان د ده‌ستێن وان دا داكو كولاڤان بكه‌نه سه‌رێن وان گه‌ل و وه‌لاتێن وان دڤێت هێشتا وێرانتر لێ بكه‌ن و به‌رێ جیهانێ و راگه‌هاندنا جیهانی به‌رێ وێ بده‌نێ و پاش بكه‌نه مانشێتێن سه‌ره‌كی ل جیهانێ و به‌رێ هنده‌كان شوینا بده‌نه داڤۆس به‌رێ وان دا جنێف بۆ پشكداریكرنێ د ئێكه‌مین كۆنگره‌یێ تایبه‌ت ب په‌نابه‌ران ڤه!! باشه بۆ زانین، گه‌ر مرۆڤ دووڤچوونا داڤۆس و كۆمبوون و روونشتنێن وێ بكه‌ت، دێ بینیت كو پشتی هه‌ر داڤۆسه‌كێ ئاریشه‌ك یا ل جیهانێ په‌یدا دبیت!! داڤۆس تنێ پاره‌یه و خوزی ئێدی كورد پشكداریێ تێدا نه‌كه‌ن.
