حه‌زدكر كلیپا وی یا نوو ب دوقوولی هاتبا تۆمار كرن
ئه‌ڤرۆ، هه‌رهین محه‌مه‌د:
سترانبێژێ كوچكو دیوانا هاشم بوسه‌لی، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: به‌ری چه‌ند رۆژان وی نووترین كلیپا خوه یا كو ب ناڤێ (حه‌سه‌نیكو)، سه‌رمه‌ند فه‌تاح بكارێ وێنه‌گرتنا وێ رابوویه، مه‌سعود حسێن ئه‌و كار مۆنتاژكریه، و ده‌رهێنانا وێ كیلپێ جه‌مال كه‌مال پێ رابوویه.
هاشم بۆسه‌لی گۆت: ئه‌ڤ سترانه ژ سترانێن دوقولی یه و من گه‌له‌ك بزاڤكرن، به‌لێ ب مخابنی ڤه من چو ده‌نگبێژێن ژن نه‌دیتن و من گه‌له‌ك حه‌زدكر من ئه‌ڤ سترانه ل گه‌ل ده‌نگ بێژه‌كا ژن گۆتبا، به‌لێ سێ چار كوپله‌ك ژ ڤێ سترانێ من گۆتینه و د به‌رنامێ من دایه هنده‌ك سترانان ل گه‌ل مۆزیكێ چێكه‌م، به‌لێ ئه‌ڤ كاودانه بۆ من و گه‌له‌ك هونه‌رمه‌ندان بووینه رێگر و من هنده‌ك ستران ئاماده‌كربوون و ب ره‌نگه‌كێ سه‌رده‌مانه تۆماركه‌م و هنده‌ك ئامیرێن یێن كوردی بكه‌مه دناڤ سترانێ دا، به‌لێ هه‌تا نوكه نه‌گه‌هشتیمه.
ل دووماهیێ ژی گۆت: نوكه دچمه ده‌ست خه‌نا و سه‌ر سوبه‌حیا و ده‌می زاڤای دبه‌ینه سه‌رشویێ و كارێ زاڤایی دكه‌م و نارینكێ و سه‌ركێ زاڤایی نه و سترانێن ده‌مێ رێڤه چوونێ نه ب ده‌مژمێران سترانا دبێژم و ل هه‌رده‌مه‌كی ژی سترانه‌ك هه‌یه و گه‌نجێن مه ژی گه‌له‌ك حه‌ز ژ ستران و تشتێ فلكلۆری د ناڤ ده‌واتان دا دكه‌ن، و دچمه ده‌واتان ژی ل باشور و باكور و من ستران ل گه‌ل گه‌له‌ك سترانبێژان گۆتینه دپرۆگراماندا و د به‌رنامێ من دا یه كلیپان دوقوولی چێكه‌م ل گه‌ل هونه‌رمه‌ندێن ژن و زه‌لام.
