ماموستایه‌ك:گرنگه هه‌ردو هه‌یڤێن ده‌ستپێكێ بابه‌تێن یێن سالا بوری بهێنه‌خاندن
ئه‌ڤرۆ، هه‌رهین محه‌مه‌د:
هاتنا په‌تایا كورونایێ لاوازی و كارتێكرنێن نێگه‌تف ل سه‌ر كه‌رتێ په‌روه‌ردێ هه‌بووینه ب تایبه‌تی قوناغێن ده‌ستپێكێ یێن خاندنێ، چونكو قوناغێن ده‌ستپێكی بناغه‌نه بۆ قوتابی ژقوناغه‌كێ بۆ قوناغه‌كا دی و ماموستایه‌ك ژی دبێژت: گه‌له‌ك یا گرنگه وه‌زاره‌تا په‌روه‌ردێ بریارێ بده‌ت هه‌ردو هه‌یڤێن ده‌ستپێكێ بابه‌تێن سه‌ره‌كی یێن سالا بوری بهێنه‌خاندن و پاشی بابه‌تێن سالانوی.
ئازاد سالح سلیمان، ماموستایێ قوتابخانا شندوخا یا بنه‌ره‌ت بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: ئه‌ڤه ژده‌ستپێكا هاتنا په‌تایا كورونایێ ده‌رگه‌هێن قوتابخانا هاتنه گرتن و بۆ ده‌مێ چه‌ند هه‌یڤان ڤێ چه‌ندێ ژی كارتێكرنه‌كا مه‌زن ل قوتابیان كر ب تایبه‌تی قوناغا سه‌ره‌تایی پولا ئێكێ و دووێ و سیێ، چونكو ئه‌ڤ قوناغه ژ نوی فێری خاندن و نڤیسینێ دبن و هه‌كه ل ڤێ قوناغێ قوتابی فێری خاندنێ و نڤیسینێ نه بن دێ ل قوناغێن دی ڤه مینن، له‌ورا دبینم هه‌كه ئه‌ڤ ساله ل قوناغا ئێكێ و دووێ و سیێ سه‌ره‌تایی ل ده‌ستپێكا ده‌وامێ هنده‌ك وانێن گرنگ بخوینن و پاشان ده‌ست ب وانێن وێ قوناغێ بكه‌یا ئه‌و لێ و قوناغێن دی یێن خاندنێ هه‌تا كو شه‌شێ ئاماده‌یی وانێن وێ قواغێ وه‌رگرن یا ئه‌و لێ، چونكو بۆ نمونه قوتابیه‌ك یێ چوویه پولا نه‌هێ بنه‌ره‌ت و هه‌كه وانێن هه‌شتێ بخوینت ل وی ده‌می دێ وانێن وی یێت نه‌هێ ژێ چن و ئه‌ڤجا یا گرنگه بتنێ وان وانا وه‌رگرت یێن وێ قوناغا ئه‌ولێ و یا چوویی چوو.
نه‌سیا یاسین ماموستایا قوتابخانا ته‌ناهی یا كچان بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: دبینم هه‌كه ل ده‌ستپێكا سالا نوی یا خاندنی َوه‌زاره‌تا په‌روه‌ردێ بابه‌تێن سالا نوی وه‌سا دارێژتبان ك دماوێ هه‌ردو هه‌یڤێن ده‌ستپێكا ڤه بوونا سالا خاندنێ بابه‌تێن سالا بوری هاتبانه شرۆڤه‌كرن بۆ قوتابیان دا وه‌كو پێداچوونه‌كێ بیت بۆ قوتابیان ب تایبه‌ت ئه‌و بابه‌تێن گرنگ وه‌كو كوردی و بیركاری و زمانێ ئینگلیزی و بۆ پولێن ئێكی َو دوێ بابه‌تێ كوردیێ هه‌موو بۆ بهێته خاندن، چونكو هه‌كه قوتابی دوانا كوردیێ دا نه‌یێ ره‌هوان و زیره‌ك بیت ل قوناغێن دوڤدا نه‌شێت بخوینت و ده‌رباز بكه‌ت و ب دیتنا من یا كو دبێژن كوده‌رچوون یا ل هه‌موو قوناغا هه‌ی ب تایبه‌تی قوناغا ئێكێ دبینم چ سه‌ركه‌فتنا وه‌سا نائینت، چونكو مه قوتابی هه‌نه و ل قوناغا چارێ نه و هه‌تا نوكه نزانن باش پیتا لێكده‌ن و هه‌كه ل قوناغێت دی یێت خاندنێ پێداچوونا وانێن بوری نه‌بیت بلا ل قوناغا بنه‌ره‌ت هه‌بیت، چونكو جوداهیه‌كا مه‌زن دناڤبه‌را قوتابیێ قوناغا سه‌ره‌تایی و قوناغێن دی هه‌یه و قوتابێ سه‌ره‌تایی هه‌كه ده‌مه‌كی نه‌چیته قوتابخانێ ته‌مبه‌لیێ دگریت و هه‌تا هه‌یڤه‌كێ ژی ده‌می َدهێته قوتابخانێ گێولێ وی ل خاندنێ ناده‌ت و حه‌زژ یاریا دكه‌ت
نه‌سیبایێ گۆتژی: دیده‌ڤانم ل سه‌ر وێ چه‌ندێ ڤی َهاڤینا بوری ماموستایان بۆ قوتابیان خول ڤه‌كریه ل په‌رتوكخانا، به‌لی َهه‌موو دایك و بابا نه‌شیان زارۆێن خوه فرێكه‌نه ڤان خولا، چونكو ژلایێ مادی ڤه پیچه‌ك دگران بوون و ئه‌ڤ خوله یێن ب هێزكرنا زمانی َكوردی و ئینگلیزی و بیركاریێ بوون، به‌لێ چه‌ند قوتابی بچته خولا ناهێته به‌رامبه‌ری وێ یا قوتابی ل گه‌ل هه‌ڤالێن خوه ل قوتابخانێ و ماموستا بۆ شرۆڤه‌دكه‌ت و خاندنا ئه‌لیكتره‌نی ده‌می َمه كود دانه قوتابیان چ سه‌ركه‌فتن نه‌ئینا هه‌تا راده‌كی باش بوو، چونكو گه‌له‌كا دوڤچوون نه‌دكر و ئه‌وێن دوڤچوون نه‌كری هێلا ئه‌نترنێتێ یێ لاواز بوو، یان ئه‌و كودێ مه‌دایی َنه‌ڤه دبوو.
نایف محمود، ماموستایێ ئاماده‌یا هێز بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ دبێژت: قوتابێن هه‌رسێ قوناغێن خاندنێ زه‌ره‌ر مه‌ندبووینه و بابه‌تێن په‌رتوكی َهه‌موو نه‌وه‌رگرتینه و بتنێ رێژه‌كا كێم وه‌رگرتینه و ژئه‌گه‌ری َڤان كاودانا قوتابی دێ توشی گرفتێن مه‌زن بن، و ئێكسه‌ر ده‌ربازی قوناغه‌دا دی یا خاندنێ دبن و بابه‌تێن سالا بوری هه‌موو نه‌وه‌رگرتینه و بابه‌تێن هه‌موو قوناغان سال بۆ سالێ پێكڤه دگرێداینه و ب دیتنا من هه‌رسێ قوناغێن خاندنێ سه‌ره‌تایی و ناڤنجی و ئاماده‌یی چه‌ند بابه‌ته‌كان ژ په‌رتوكێن سالا بوری وه‌رگرتن و ژنوی ده‌ست ب خاندنا ئه‌ڤ ساله بكه‌ن ب تایبه‌تی قوناغا سه‌ره‌تایی، چونكو ئه‌ڤ قوناغه ژنوه فێری خاندن و نڤیسین و پێزانینان دبن
