هژیان سلێمان: چو داهات ب ستران گۆتنێ ڤه ناهێت
ئه‌ڤرۆ، هه‌رهین محه‌مه‌د:
سترانبێژ هژیان سلێمان د دیداره‌كێ دا بۆ به‌رپه‌ری هونه‌ری یێ رۆژناما ئه‌ڤرۆ دیاركر كو نوكه ئه‌و مژوولی چێكرنا دو سترانایه یا ئێكێ ب ناڤێ (یار من نه‌دزانی) كو ژپه‌یڤ و ئاوازێن (نیكار كامل) و سترانا دویێ ب ناڤێ (كچه‌كا جوانه) ژ په‌یڤ و ئاوازێن ئیبراهیم فره‌یدون و نوكه د قووناغا میكس و ماسترینكێ دایه و ژڤانه ل نێزیك كلیپ بكه‌ت.
ناڤبری گۆت: ره‌نگه هنده جاران یا ب زه‌حمه‌ت بیت بۆ مرۆڤی كو كاره‌كێ هونه‌ری ل ده‌رڤه‌ی وه‌لاتی ئه‌نجام بده‌ت، چونكۆ وه‌لاتێ مرۆڤی ئێك ژوان گه‌نجینێن هونه‌ری یه و یێ ده‌وله‌مه‌نده ب كه‌لتۆرێ خوه و بۆ من گه‌له‌ك خوه‌شه و ب ساناهیه سترانان ل كوردستانێ چێكه‌م، چونكو مرۆڤ هه‌موویان دنیاسیت و په‌یوه‌ندیێن مه دخوه‌شن ل گه‌ل ئێك و هه‌تا نوكه د هزرا من دا نینه سترانه‌كا دوقۆلی چێكه‌م و ل سالا 2017 من و هونه‌رمه‌ند (دلشاد نێروه‌ی) چێكریه و سوپاسیا هه‌ره مه‌زن بۆ مالباتا منه ب تایبه‌ت بابێ من هه‌موو ده‌مان هاریكار و پشته‌ڤانێ من بوویه د بیاڤێ ستران گۆتنێ دا و ئه‌ڤه من ده‌ست ب ستران گۆتنێ‌َ كری هه‌تا نوكه چو جاران من هزرا وێ چه‌ندێ نه‌كریه ڤی كاری بكه‌م دا بۆ من داهاته‌ك ژێ بهێت و د راستی دا چ داهات ب ستران گۆتێ ڤه ناهێت و گه‌له‌ك كه‌س ژی ڤی تشتی دبێژن.
