ئیڤان حه‌ز ژ ستایلێ ریالیزم دكه‌ت
ئه‌ڤرۆ، هه‌رهین:
شێوه‌كارا گه‌نج ئیڤان ئارت د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: نوكه پتریا كارێ من پورتیتن و هنده‌ك جارا ژی ستی لایفن، به‌لێ گه‌له‌ك حه‌ز ژ ستایلێ ریالیزم دكه‌م و گه‌له‌ك حه‌زدكه‌م ب گه‌همه ستایلێ هایپه‌ر ریالیزم و هه‌موو جورێن وێنه‌یان دروستكه‌م، به‌لێ وێنێن مرۆڤان بۆ من گه‌له‌ك ب ساناهی نه دروست بكه‌م و كێم جاران كه‌ڤال سرۆشتی دروست دكه‌م و كارێ هونه‌ری بۆ من به‌ری هه‌ر كاره‌كی یه و هه‌كه من كارێ هونه‌ری نه‌كر من حه‌ز ژ زمانی دكر ئانكو دا كارێ وه‌رگێرانێ كه‌م.
ناڤهاتیێ گۆت: هه‌موو ده‌مان مه‌رج نینه هونه‌رمه‌ندێ شێوه‌كار ئه‌كادیمی بیت، چونكۆ گه‌له‌ك هونه‌رمه‌ندێن جیهانی هه‌نه نه ئه‌كادیمی نه، به‌لێ حه‌زا وان گه‌له‌ك ل سه‌ر كارێ وان هه‌بوو گه‌هشته بلندتر ئاست و بووینه قوتابخانه، به‌لێ یا گرنگ ئه‌وه یێ به‌رده‌م بیت و رۆژانه راهێنانان بكه‌ت و داهێنانێ د كارێ خوه دا بكه‌ت.
