بیرهات دێ به‌رهه‌مه‌كێ جودا به‌لاڤكه‌ت
ئه‌ڤرۆ، نه‌وزادهلۆری:
سترانبێژ بیرهات فازل، كو خه‌لكێ باژێرێ زاخۆیه، ده‌مه‌كه كاری ل سه‌ر به‌رهه‌مه‌كێ هونه‌ری یێ جودا كه‌ت، وه‌كو ئه‌و دبێژیت دێ ل نێزیك هێته به‌لاڤكرن.
بیرهاتی بۆ رۆژناما ئه‌ڤرۆ گۆت: ئه‌ڤ به‌رهه‌مێ كو نوكه ئه‌ز كاری ل سه‌ردكه‌م دبیته به‌رهه‌مێ من یێ پێنجێ و به‌ری نوكه من چار به‌رهه‌مێن جودا ب شێوه و ستایلێن سه‌رده‌میانه به‌لاڤكرینه، به‌رهه‌مێ نوو به‌رهه‌مه‌كێ جودایه و ب شێوه و ستایله‌كێ هه‌ره جوان و پێشكه‌فتی هاتیه‌چێكرن، به‌رهه‌م ب سه‌رپه‌رشتیا ئیڤان لوبانی هاتیه‌چێكرن و كارێن ئارانج و میكس و ماسترینگ ژلایێ هونه‌رمه‌ند ده‌ستوری ڤه‌هاتینه كرن، دیسان كارێن ریكورد ژلایێ هونه‌رمه‌ندێ باژێرێ دهۆكێ عیماد علی هاتیه‌كرن ل ستودیۆیاده‌نگ و ره‌نگ.
بیرهاتی گۆت: په‌یڤێن سترانێ ژلایێ هوزانڤان عه‌بدولغه‌فار ژیركی هاتینه‌نڤیسین و ژ ئاوازێن هونه‌رمه‌ند ئیڤان لوبنانی نه، هه‌موو كارێن كلیپێ دێ ل وه‌لاتێ ئه‌لمانیا هێنه چێكرن و به‌رهه‌م ل نێزیك هێته به‌لاڤكرن و كه‌ڤیته د خزمه‌تا حه‌زژێكه‌رێن ده‌نگێ من دا،
ل دووماهیێ دیاركر كو ئه‌و نوكه ل كوردستانێ یه و مژوولی تمامكرنا به‌رهه‌می یه و گۆت ئه‌ڤه ده‌مێ ساله‌كێ یه ئه‌ز ل وه‌لاتێ ئه‌لمانیا ئاكنجی و نوكه بۆچێكرنا به‌رهه‌می هاتیمه كوردستانێ، به‌لێ كارێن هونه‌ری دێ ل ئه‌لمانیا هێنه‌كرن.
