فه‌رهاد شاوركی: ئه‌ز یێ به‌رهه‌ڤیان بۆ چێكرنا به‌رهه‌مه‌كی دكه‌م
ئه‌ڤرۆ، رێوار محه‌مه‌د ره‌شید:
سترانبێژ فه‌رهاد شاوركی د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو نوكه وی سترانه‌كا فلكلۆری یا كوكتێل به‌رهه‌ڤكریه و ل ده‌مه‌كێ نێزیك دێ كلیپ كه‌ت و پێشكێشی حه‌زژێكه‌رێن ده‌نگێ خوه كه‌ت، هه‌روه‌سا سه‌ره‌رایی ڤێ چه‌ندێ یێ ئاماده‌كاریان بۆ چێكرنا به‌رهه‌مه‌كی ژی دكه‌ت كو سترانێن ڤی به‌رهه‌می دێ د سه‌رده‌م و فلكلۆری بن، ئه‌ڤ د ده‌مه‌كی دایه كو وی هه‌تا نوكه دو به‌رهه‌م هه‌نه و به‌رهه‌مێ خوه یێ ئێكێ كو ژ پتری 10 تراكان پێك دهات بناڤێ (دلبه‌را من) ل سالا 1998 به‌لاڤكربوو و هه‌تان نوكه چه‌ندین سترانێن تۆماركری و حه‌فت كلیپ ژی هه‌نه و گۆ: “حه‌زناكه‌م چوجاران ده‌ستكاریێ د په‌یڤ و ئاوازێن سترانێن فلكلۆری دا بكه‌م”.
ناڤهاتی ئاماژه دا وێ چه‌ندێ كو وی ستایلێ خوه یێ تایبه‌ت بۆ گۆتنا سترانان هه‌یه و به‌رده‌وام دچیته داواتان و روونشتنێن تایبه‌ت و گۆت: “هه‌تا نوكه كارێ هونه‌ری چو پێشكێشی من نه‌كریه و هه‌تا راده‌یه‌كی ئازادیا من ژ من وه‌رگرتیه”.
