كه‌ڤالێن سێ شێوه‌كارێن كورد ل سربیا هاتنه نیشادان
سلێمانیێ، عه‌زیز هه‌ورامی:
هونه‌رمه‌ندێ شێوه‌كار محه‌مه‌د فه‌تاح، كو به‌ری چه‌ند رۆژان وی ل گه‌ل دو شێوه‌كارێن دی یێن كورد ل وه‌لاتێ (سربیا) پشكداری د پێشانگه‌هه‌كا هه‌ڤپشك دا كربوون، د په‌یوه‌ندیه‌كا ته‌له‌فۆنی دا ژوی وه‌لاتی بۆ رۆژناما ئه‌ڤرۆ گۆت: ئه‌ڤه پێشانگه‌هه‌كا هه‌ره مه‌زنه ل ڤی وه‌لاتی هاتیه ڤه‌كرن، ژ هه‌موو جیهانێ (26) شێوه‌كار د پشكداران، ئه‌ز و دو شێوه‌كارێن دی یێن كورد داخوازكریێن ڤێ پێشانگه‌هێ بووین، مه ژی كه‌ڤالێن خوه ل مۆزه‌خانا رۆسیا نیشادان و ل به‌ره جاره‌كێ دی ژی ل جهه‌كێ دی نیشابده‌ین، ئانكو پشكداری پێشانگه‌هه‌كا دی بین هه‌ر ل (سربیا) مه ل ڤێره چه‌ند شێوه‌كار و كه‌ڤالێن هه‌ره باش دیتن و خه‌لكه‌كێ زۆر كو پتریا وان هونه‌رمه‌ند و ره‌خنه‌گر و ره‌وشه‌نبیر بوون ل ده‌مێ ڤه‌كرنا پێشانگه‌هێ د به‌رهه‌ڤ بوون، هه‌روه‌سا رۆژێن دووڤدا ژی كو ده‌مێ پێشانگه‌هێ حه‌فتیه‌ك بوو گه‌له‌ك خه‌لك دهاتن، مه كه‌ڤالێن هه‌موو پشكداران دیتن، وانژی یێن مه دیتن و دلخۆشیا خوه بۆ كه‌ڤالێن مه دیاركرن.
