شێوه‌كاره‌ك: كه‌ڤالێن من ده‌ربڕینێ ژ توندوتیژیا دژی ئافره‌تان دكه‌ن
ئه‌ڤرۆ، هه‌رهین:
شێوه‌كارا گه‌نج ئاشنا فه‌رهاد خه‌لكا ده‌ڤه‌را ئاكرێ یه د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو وێ گه‌له‌ك مفا ژ هونه‌رێ شێوه‌كاریێ دیتیه و كه‌سایه‌تیا وێ گه‌له‌ك گوهۆڕیه هه‌ر ژ رۆژا ئه‌و تێكه‌لی ڤی كاری بووی و زانیه وێ چ دایه شێوه‌كاریی َو شێوه‌كاریێ چ دایه وێ و ئه‌و كه‌ڤالان ل دووڤ داخوازیان دروست دكه‌ت و جاران ژی دفرۆشیت ژی.
ناڤهاتیێ زێده‌تر گۆت: هونه‌رێ شێوه‌كاری و چێكرنا كه‌ڤالان ئێك ژ خه‌ونێن من یێن زارۆكینێ بوون و ب شیانێن خوه شیام خه‌ونا خوه بكه‌مه راست و به‌ر ب ڤێ حه‌زێ ڤه بچم و پێنوسێ خوه ل ده‌ستێ خوه بگرم و خه‌یالێن خوه ره‌نگ بكه‌م و پتریا كه‌ڤال و وێنه‌یێن ئه‌ز دروست دكه‌م ده‌ربرینێ ژ وێ توند و تیژیێ دكه‌ن ئه‌وا هه‌مبه‌ری ئافره‌تان دهێته كرن و هه‌ر وێنه‌كێ ئه‌ز ب كێشم دو هه‌تا سێ ده‌مژمێران ل سه‌ر كاردكه‌م ب ره‌نگێن پاستیلی و هێلكاری و شێوه‌كارێ راسته‌قینه ئه‌وه دڤێت كه‌سه‌كێ ئارام و بهێن فره‌ه بیت دا كو بشێت په‌ره‌كێ سپی دخه‌یالا خوه دا ب ده‌ستێن خوه ره‌نگ بكه‌ت.
