دێژین سهلیم: كاركرنا مه بزاڤهكه كو بهایێ هونهری نیشا خهلكی بدهین
دهۆك، زنار تۆڤی:
خانما شێوهكار (دێژین سهلیم) د دیدارهكێ دا بۆ رۆژناما ئهڤرۆ گۆت: ههرچهنده ئهز دهرچوویا پشكا ئابووری مه ل كۆلیژا كارگێری و ئابووری ل زانكویا دهۆك، لێ د ژیهكێ بچووك دا من حهزا هونهری ههبوو، ههر چهنده خواندنا من گهلهك یا ژ هونهری دوور بوو، لێ من بڕیار دا كو ل سهر بههرهیا خوه كار بكهم و من بهردهوام وێنه چێدكرن.
ناڤهاتیێ گۆت : ل سالا ٢٠١٥ من دهست ب كارێ شێوهكاری كری یه و پرانییا كهڤالێن من دهربڕینێ ژ بێدهنگیێ و هێز و جوانیا سروشتی دكهن ، ههتا نوكه من پشكداری د سێ پێشانگههان دا كریه، و د بهرنامێ من دا یه پشكداریێ د دو پێشانگههێن دی دا بكهم و ل دووف شیانێن خوه د وارێ شێوهكاری دا ب رێیا ئونلاین كار دكهم، ههروهسا د جڤاكێ مه دا هونهر ب چاڤهكێ كێم دهێته دیتن و كاركرنا مه شێوهكاران ب تنێ بزاڤهكه كو بهایێ هونهری نیشا خهلكی بدهین نهكو بازرگانیهكه، چونكو هونهر ژ بازرگانیێ ب بهاتره، ههروهسا ههكه ئهم بهحسێ ئاستێ هونهری یێ بهرێ پێنج سالان بكهین ل گهل نوكه دا، ئهز یا پشت راستم كو نوكه ل دهۆكێ هونهر د ئاستهكێ باشتر دایه، ههروسا كچان ژی دناڤ هونهری دا رۆلێ خوه ههیه، دیسان حهزا من ئهوه ئهز بشێم ببمه هونهرمهندهكا ئهكادیمی یا گهلهك زیرهك و دخوازم كو دایك و باب رێكێ ل زارۆكین خوه نهگرن، ههكه د بههرهمهندبن د وارێ هونهری دا و دڤێت پشتهڤانیا وان بكهن، چونكی بههرهمهند دبنه خودان كار و باوهرنامه دبیته كرێكار.
