42 ساله بێ ڕازه‌مه‌ندیا وی به‌رهه‌مێن وی دهێنه به‌لاڤكرن
ئه‌ڤرۆ:
شارام نازری، هونه‌رمه‌نده‌كێ ناڤدارێ كورده خه‌لكێ كرماشانه ل رۆژهه‌لاتێ كوردستانێ دیار كر كو بۆ ده‌مێ 42 سالانه میدیایێن ئیرانی بێ رازه‌مه‌ندیا وی ده‌نگ و مۆزیكا وی به‌لاڤ دكه‌ن.
شارام نازری، د لێدوانه‌كێ دا بۆ ماڵپه‌رێ (ئیسنا) یێ ئیرانی ئاشكرا كر كو رادیۆ و ته‌له‌ڤزیۆنێن كۆمارا ئیسلامی یا ئیرانێ بۆ ده‌مێ 42 سالانه به‌رده‌وام بێ كو ڕازه‌مه‌ندیێ ژ وی وه‌رگرن و بێ پاراستنا مافێ كۆپیكرنێ و مافێ ماددی و مه‌عنه‌وی ده‌نگ و مۆزیكا وی به‌لاڤ دكه‌ن.
ناڤهاتی ئاماژه دا وێ چه‌ندێ كو وی هه‌موو بزاڤ كرینه به‌ره‌ڤانیێ ژ مافێ خوه بكه‌ت، به‌لێ هه‌تا نوكه چو ب ده‌ستڤه نه‌هاتیه و گۆت: “ئه‌و كه‌سێن به‌رهه‌مێن من به‌لاڤ دكه‌ن د بنه‌ره‌ت دا وان چو باوه‌ری ب هونه‌ری و مۆزیكێ نینه”.
شارام نازری، بۆ ده‌مێ پتری 40 سالانه خزمه‌تا هونه‌ری دكه‌ت و هه‌تا نوكه چه‌ندین خه‌لاتێن به‌رچاڤێن جیهانی وه‌رگرتینه.
