نڤیسینا هه‌لبه‌ستان ژی هونه‌ره
دهۆك، نه‌وزاد هلۆری
نوژدار هاریكی، گه‌نجه‌كێ دێره‌لۆكێ یه، ده‌مه‌كه هه‌لبه‌ستان دنڤیسیت، د دیداره‌كێ دا بۆ رۆژناما ئه‌ڤرۆ دده‌ته دیاركرن كو وه‌غه‌ركرنا دایكا وی كارتێكرنه‌كا زۆر ل وی كریه و ئه‌و بۆ وه‌غه‌را وێ هه‌لبه‌ستان دنڤیسیت.
زێده‌تر گۆت: هه‌تا نوكه ژ به‌ر نه‌بوونا پشته‌ڤانیێ من چوو پرتووكێن خوه به‌لاڤ نه‌كرینه، به‌لێ ل چه‌ندین ئاهه‌نگ و چالاكیێن جه‌ماوه‌ری پشكداربوویمه و هه‌لبه‌ست خواندینه، دیسان ل سه‌ر تورێن جڤاكی ژی به‌لاڤ دكه‌م، تنێ من هه‌لبه‌سته‌ك وه‌كو تۆماركرن به‌لاڤكریه، و ب دیتنا من نڤیسینا هه‌لبه‌ستان ژی هونه‌ره و هه‌موو كه‌س نه‌شێن رۆلێ خوه تێدا ببینن و نوكه ل ده‌ڤه‌را دێره‌لۆكێ و شێلادزێ كه‌سانێن زیره‌ك تێدا هه‌نه، به‌لێ جهێ داخێ یه چوو پشته‌ڤانی بۆ وان ناهێته‌كرن، و هه‌كه پشته‌ڤانیا وان بهێته كرن قه‌له‌مێن باش دێ دیاربن و ئه‌ز دێ ل سه‌ر نڤیسینا هه‌لبه‌ستێ یێ به‌ردوام بم.
