وێنه‌گری هه‌ژارترین پیشه‌یه ل كوردستانێ
بارزان، ره‌مه‌زان هه‌رنی:
وێنه‌گر (غه‌فور كۆركه‌یی) د دیداره‌كێ دا بۆ رۆژناما ئه‌ڤرۆ گۆت: ئه‌ڤه بۆ ده‌مێ پێنج سالانه من ده‌ست ب كارێ وێنه‌گرتنێ كری و ژبلی فوتۆی من كارێ ڤیدیۆیێ ژی كریه، به‌لێ هه‌تا نوكه من چو پێشانگه‌ه نه ڤه‌كرینه و پتریا وێنێن ئه‌ز دگرم ب رێیا سۆشیال میدیایێ به‌لاڤ دكه‌م.
هه‌روه‌سا گۆت: ئه‌ز به‌هرا پتر وێنێن سروشتی و په‌ز كوڤیا دگرم و ئه‌رشیڤ دكه‌م و ل ده‌ستپێكێ حه‌زا من ل سه‌ر سروشتی بوو ل هه‌موو كوردستانێ ب گشتی و ده‌ڤه‌را بارزان ب تایبه‌تی، ژبه‌ركو ل ده‌ڤه‌را بارزان هژمارا په‌ز كوڤیا گه‌له‌ك یا زۆره و كه‌هی بوونه و چو مه‌ترسی ل سه‌ر ژیانا وان نینه ب ساناهی دهێنه دیتن و ئه‌ڤه ژی ده‌لیڤه‌كا باشه وێنه بكه‌م ژبه‌ر پاراستنا په‌ز كوڤیا ل ده‌ڤه‌را بارزان رێژا وان به‌رده‌وام زێده دبیت، به‌لێ هێشتا ل كوردستانێ كرین و فرۆتنا وێنێن سروشتی نه‌بوویه كلتۆر له‌ورا ئه‌ز وێنه‌گریێ ب هه‌ژارترین پیشه دزانم، چنكو چو داهات ب ده‌ست ناكه‌ڤیت و بۆ پاشه رۆژێ من ل به‌ره هنده‌ك وێنا جهێن به‌رنیاس چاپ بكه‌م دا پتر بۆ خه‌لكی ب ده‌مه ناسین، هه‌روه‌سا یا گرنگ و پێدڤیه مالێن مه مه هه‌موویان ب وێنێن سروشتی بهێنه خه‌ملاندن.
