رێ ب فلمه‌كێ كوردی نه‌هاته دان بهێته نیشادان
هه‌له‌بجه، عه‌زیز هه‌ورامی:
هونه‌رمه‌ند (خه‌لیل جۆشخۆم عه‌زیز ئۆغلۆ) كو ژ باكورێ كوردستانێ یه، د دیداره‌كێ دا بۆ رۆژناما ئه‌ڤرۆ دیاركر كو به‌ری دوازده سالان وی فلمه‌كێ درێژ ل دۆر كاره‌ساتا هه‌له‌بچه چێكر بوو، لێ ده‌ستهه‌لاتدارێن توركی رێ نه‌دانێ وی فلمی ل توركیا نیشابده‌ت. ناڤهاتی گۆت: ده‌مێ به‌حسێ كاره‌ساتا هه‌له‌بجه دكه‌م میێن له‌شێ من دله‌رزن، ژبه‌ركو تاوانه‌كا مه‌زن بوو ده‌رحه‌قی كوردان هاتیه ئه‌نجام دان، له‌ورا ئه‌ز دێ به‌رده‌وام كاركه‌م ژبۆ هندێ كو رۆژه‌ك بهێت ئه‌و فلم بهێته نیشادان، بۆ زانین هنده‌ك دیمه‌نێن فلمی ل باژێرێ جۆله‌مێرگێ هاتینه وێنه‌كرن، من وه‌ك ئه‌كته‌ر پشكداری دوی فلمی دا كریه، ژ نڤیسینا عه‌بدوللا ده‌میر و ده‌رهێنانا شرین هارهارده.
