وێنا ل سه‌ر به‌را چێدكه‌ت
خانكێ، دلڤین ره‌شید:
گه‌نجه‌كێ خه‌لكێ شنگالێ ب ناڤێ (فێسه‌ل مشكۆ فندی) كو نوكه وه‌ك ئاواره ل كه‌مپا كه‌به‌رتو دژیت، د دیداره‌كێ دا بۆ رۆژناما ئه‌ڤرۆ دیاركر كو ئه‌و ده‌رچویێ كولیژا په‌رستاری یه، لێ هه‌ر ژ زارۆكانیێ حه‌زا چێكرنا وێنان هه‌بوویه و رۆژ بۆ رۆژی ئه‌ڤ به‌هره‌یه ل گه‌ل وی مه‌زن بوویه و نوكه خوه ب گه‌نجه‌كێ به‌هره‌دار دزانیت.
ناڤهاتی گۆت: پشتی ئه‌م ئاواره بووین من ده‌ست بڤی كاری كر و تێدا ده‌ڕبرین ژ ئێش و ئازارێن ملله‌تێ خوه كرن و پشتی هاتنا كۆرۆنایێ پتر ده‌لیڤا كاركرنێ بۆ من چیێبوو، نوكه پتریا وێنێن ئه‌زچێدكم لسه‌ر به‌رانه و ب راستی ژی وێنه‌كرن ل سه‌ر به‌ران كاره‌كێ ب ساناهی نینه، و ژبه‌ركو من حه‌زه‌كا مه‌زن بۆ كارێ خوه هه‌یه به‌رده‌وام بزاڤێ دكه‌م كارێن نوو و جیاواز بكه‌م، و ئه‌ز دبینم گه‌نجێن مه به‌هره‌یێن جیاواز هه‌نه، به‌لێ پێدڤی ب گرنگی پێدانێ نه دا به‌هره‌یا خوه گه‌شه‌یێ پێ بده‌ن و داخوازا مه ژ گه‌نجان ئه‌وه كو هه‌ر ئێكێ به‌هره‌یه‌ك هه‌بیت خوه پێش بێخیت ب تایبه‌ت گه‌نجێن نوكه د ناڤ كه‌مپان دا دژین.
